صلاح السنديونى يكتب: هى مصر فيها أحزاب؟

الثلاثاء، 08 سبتمبر 2015 08:11 م

اجتماع الأحزاب المصرية

اضف تعليقاً واقرأ تعليقات القراء

سؤال أنا عايز له جواب
لأجل افهم الحقيقة
وأقنع نفسى بالأسباب

عندنا فعلاً فيه أحزاب
والتوصيل م الباب للباب
والاشتراك فيها عادى
ولا حد فى حب مصر داب

وكل حزب له أمانة
والأعضاء وبكل أمانة
مخلصين آخر إخلاص
والحزب خلف الشمس رمانا

كله مخلص لشعار الحزب
وكله نازل فى بعضه ضرب
ومحدش بيفكر ابداً
فى مصر وعنده ليها حب

يارؤساء أحزابنا همة
حبوا بعض شوية بذمة
السياسة مش طبل وزمر
ومؤتمرات ولا حتى لمة

مصر عايزة عقول مفتوحة
والآراء دايماً صريحة
لأجل ما تعلا تمللى لفوق
هى دى ليكوا النصيحة