خيالنا واسع مش ضيق ،الضيقة بس في قلوبنا
من كُتر همومنا بتزيق وجروحنا قاعدة بتألمنا
تعالوا نفصص في حياتنا ونشوف إيه فيها اللي تاعبنا
مين فيها اللي مدوخنا وأحنا سيبينه يلاعبنا
تعباني زي ما تعباكوا ومش قادر أفهمها كويس
شياطينها من الآخر زادوا ونفوسنا عمالة تهيس
قاعدين نتخبط في حيطانها ونقع من نقرة لدُحديرة
مشغولة عقولنا بأرقامها وخيبتنا بقت خيبة تقيلة
الكل مسَلِم لشيطانها وضميرنا واخد تعسيلة
سلمنا لقانون الغابة وقطعنا أواصل بعضينا
سيبنا قلوبنا متسابة ، تكوينا وتحرق فينا
مابقاش في الدنيا في غلابة وشيطاننا بشره مقوينا
نسانا الناس التعبانة وخلاهم بيهونوا علينا
خلانة نقتِل بعضينا وزرع الشر في وسطينا
ومهما يحصل حوالينا ولا حاجة بتأثر فينا
كُتابنا قاعدة على كتافنا وأحنا اللي نسينا وضعفنا
سَلمنا للدنيا قلوبنا ونسينا خالص أخرتنا
شيطاننا قاعد يلاعبنا وقصرنا فى حق اللى خالقنا
تم أضافة تعليقك سوف يظهر بعد المراجعة