مأساة حقيقية تعيشها أسرة الطفلة ولاء ياسر على، التى تبلغ من العمر 7 سنوات، حيث تعانى من تجمع دموى فى وجهها وتحتاج لجراحة دقيقة لإزالة التجمع الدموى الذى يشوه وجهها ويغطى الجزء الأيسر من الوجه بالأذن بفروة الرأس، وتحتاج لعملية جراحية عبارة عن جراحة تجميل دقيقة لإزالة التجمع الدموى.
تقول ولاء بنبرة حزينة "نفسى الحاجة اللى فى وشى دى تروح علشان أعرف أروح المدرسة لأننى بتكسف من نظرات الأطفال لى، وتابعت: "سألت ماما وبابا من إيه الحرق اللى فى وشى ده؟ قالولى ده مش حرق يا حبيبتى أنتى مولودة كده وده من عند ربنا!!".
من جانبه يقول ياسر السعيد على سائق ميكروباص ومقيم بمدينة دمياط الجديدة إن ولاء ابنته 7 سنوات بالصف الثانى الابتدائى مولودة وفى وجهها "وحمة دموية" وتحتاج لإجراء عملية تجميل، وتابع "بقالى سنين بلف بيها على الأطباء والمستشفيات، ومفيش أى حل سوى السفر للعلاج بالخارج لإجراء عملية تجميل لإزالة الوحمة الدموية، لكن العين بصيرة والإيد قصيرة وأنا راجل على باب الله".
مضيفا ذهبت إلى مستشفى التأمين الصحى بمدينة نصر وأعطونى جواب تحويل إلى مستشفى أبو الريش وبالفعل ذهبنا ومكثت عدة أيام وأجريت عدة تحاليل وإشاعات وفى النهاية قالولى مالهاش علاج عندنا.
مضيفا ذهبت إلى مستشفى التأمين الصحى بمدينة نصر وأعطونى جواب تحويل إلى مستشفى أبو الريش وبالفعل ذهبنا ومكثت عدة أيام وأجريت عدة تحاليل وإشاعات وفى النهاية قالولى مالهاش علاج عندنا.
وبنبرة حزينة قال والد الطفلة "نفسى ومنى عينى أعمل العملية لابنتى علشان تبقى طبيعية، زيها زى كل الأطفال اللى فى عمرها وزى أخواتها".
تم أضافة تعليقك سوف يظهر بعد المراجعة