تداول مستخدمو موقع التواصل الاجتماعى "فيس بوك" مقطع فيديو لمدرس بأحد مراكز الدروس الخصوصية بالإسكندرية، يشرح مراجعة مادة الفلسفة عن طريق الأغانى على مسرح، وبجواره فريق يرقص بملابس "فطوطة".
وأثار مقطع الفيديو حالة من الجدل لجمهور "فيس بوك "بين مؤيد لتلك الفكرة فى شرح المناهج الدراسية وسهولة وصول المعلومة للطالب، ومعارضين معربين عن استيائهم لتدهور شكل الحالة المتدنية التى وصل إليها التعليم فى مصر، وهى ليست الحالة الأولى التى يستخدمها المعلمون فى شرح المناهج فى المراكز الخصوصية.
وعلق أحد المتابعين لمؤيدى الفكرة قائلاً: "على فكرة كنت باخد مع المستر ده كان محترم جداً وكان بيشرح قبل ما يحفظ كده وكنت حافظه كتير أوى خاصة فى علم الاجتماع مضطرتش أذاكرهم تانى أنا مشكلتى بس كانت فى المنطق عشان كان رخم فكان مبيبقاش فى وقت كبير نفهم فيه كان محتاج يزود مدة الشرح فيه شوية".
بينما قال أحد المعارضين لها: "للناس إلى بتقول حصة ترفيهية عيب لما يطلع كدا من مدرس المفروض أنه تربوى وقدوة للطلبة بتوعه دا مكان علم وكل حاجه ليها مكانها ووقتها".
عدد الردود 0
بواسطة:
Egyptian Dr
المدرس اساس العمليه التعليميه !!!!!!
تنميه مهارات المعلم .
عدد الردود 0
بواسطة:
حسن
لماذا
ولماذا كان الدفاع منذ يومين عن مدرس يلبس ملابس تاريخيه!!وطبعا هذا المدرس لو جاء احد يغلق المكان سوف يقول انا عامل حفله ترفيهيه !!
عدد الردود 0
بواسطة:
السيد فاضل
أنيهار التعليم
علشان كدة لازم نخرج من التصنيف الدولي للتعليم ...... لك الله يا مصر
عدد الردود 0
بواسطة:
جمال مجاهد
المدرس الموهوب
الحقيقة أنا بحيى أى مدرس يبتكر طريقة يسهل بيها على الطلبة الحفظ والحشو الفارغ ال عملاة الوزارة فى المناهج العقيمة بتاعتهم وبدل ما نوبخ المعلم لأنة بيحاول يطور أداؤة أمام المناهج العقيمة الأولى نقول للدولة كلها هو مصر مفيهاش علماء يقدروا يحطوا منهج للتعليم ونظام محترم ذى قطر ودول الخليج ينهض بالتعليم فى مصر ولو مفيش طب هو عيب ناخد نظام التعليم القطرى ونطبقة فى مصر وعلى فكرة أنا سمعت أن قطر فيها أحسن منظومة تعليم فى الدول العربية للاسف مع أختلافى معاهم الا ان الحق أولى أن يتبع كان اللة فى عون شعب مصر واولادة المساكين حنفضل نتعلم ونعلم ولادنا فى مدارس الحكومة العقيمة والتعليم فعلا قاصر على الأغنياء
عدد الردود 0
بواسطة:
مصرى واعى للتجديد
التعليم اختلفت اساليبة و هذا تجديد و لنراقب النتائج لو الطلاب نجحوا يبقى تجربة يحتذى بها
مش عيب التجديد مع المراقبة و تحليل التائج الطلاب لم يعودوا تقليديين يبقى طرق التدريس لازم تكون غير تقليدية شوفوا النتائج لو الطلاب نجحوا يبقى الاسلوب ناجخ و يتطور للاحسن و يكون فية تجديد لا بترحموا و لا تسيبوا رحمة ربنا تنزل ناس فاشلة
عدد الردود 0
بواسطة:
رجل من رجال التعليم
عدم احترام للتعليم
اللي بيحصل دا خطأ فادح . وكل اللي بيقول انه اسلوب جديد طبعا مخطئ. دا اسلوب غير تربوي وغير محترم بالمرة. اسلوب مشين يسيء لرجال التربية والتعليم المحترمين. ماذا يحدث لو شاهد طلاب مصر هذا الفيديو؟ بالتأكيد يسطلبون من مدرسيهم بالفصول بأن يهز هزة ويرقص عشرة بلدي او يتحزم امامهم وهوبا يلا....لا حول ولا قوة الا بالله
عدد الردود 0
بواسطة:
زياد
الناس اللي بتأيد وتقول ما تيجي نشوف
طيب ما تيجي تشوف الدول اللي سبقت مصر في التعليم بتعمل إيه ، حد منكم يعرف إن فيه دولة اسمها فنلندا في ظرف 5 سنين عملت معجزة تعليمية وأصبحت الأولى على العالم في التعليم ما قبل الجامعي وسبقت أمريكا وألمانيا واليابان ، في فنلندا ما بيعملوش الهبل ده ، ده مش تعليم ده اسمه تهريج