أكد عمر حامد مدرس الفلسفة، صاحب عروض السيرك فى مراجعاته النهائية لطلابه والتى يقيمها فى أحد مراكز الدروس الخصوصية بحلوان إنه يستخدم نظريات التعلم، بطريقة مصرية، فى محاولة لإيصال المعلومة بسهولة ويسر إلى الطلبة.
وقال حامد فى تصريحات لـ"اليوم السابع": "أنا لو فى دولة تانى غير مصر كانت الناس رفعتلى القبعة لكن أنا بتحارب لكى يتم تفشيلى"، مشيرًا إلى أن الانتقادات التى تم توجيهها إليه غير بناءة، وأن منهج الفلسفة يحتوى على موضوعات تتعلق بالحيوانات البرية المهددة بالانقراض، فحاول تقريب الصورة الذهنية لطلابه بالاستعانة بفريق من السيرك لتصل إليهم المعلومة وتبقى حاضرة فى أذهانهم.
وأضاف حامد: "الموضوع ببساطة إن الموضوعات اللى فى المنهج الدراسى معقدة، وأنا بحاول أبسطها للطلاب، وبعمل كده من 16 سنة، لأن دى أصلا طريقتى فى المذاكرة من وانا بذاكر، والناس اللى انتقدت وجود بنت فى المحاضرة، فدى واحده موجودة فى السيرك كل الناس بتشوفها عادى جدا".
وأردف حامد قائلًا: "أنا بشرح بنفس الطريقة لطلابى فى المدرسة، ومرة صادف وجود لجنة من وزارة التربية والتعليم وشافوا الطريقة وأعجبوا بيها جدًا وأثنوا عليها، وأولياء الأمور فى البيوت بيغنوا مع أولادهم المنهج بالطريقة اللى بدرسلهم بيها، وأنا مش منتظر حاجة من حد غير الثواب من ربنا".
الصورة التي أثارت الجدل عبر مواقع التواصل
