الراجل مش شقة وعربية..

"شروق" فى دعوى خلع: "وجدت جوزى مع عشيقته على فراشى بعد 3 شهور جواز"

الجمعة، 20 أكتوبر 2017 03:30 ص
"شروق" فى دعوى خلع: "وجدت جوزى مع عشيقته على فراشى بعد 3 شهور جواز" محكمة الأسرة - أرشيفية
أسوان - ندى سليم

مشاركة

اضف تعليقاً واقرأ تعليقات القراء

ثلاثة أشهر فقط كان عمر زواج "شروق" التى لم تتجاوز 18 عامًا من عمرها، وبعدها حصلت على وثيقة طلاقها من زوج خائن لم يعبأ بشىء سوى اللهو بالنساء حتى إذا لم يمر على زواجه عدة أيام.

 

تروى الزوجة من مقر محكمة الأسرة، قائلة: "زى كل البنات انبهرت بالعربية والشقة والعفش والشبكة، ونسيت اتجوز راجل وأن الأخلاق أهم من مال الدنيا، اتعلمت بس متأخر بعد فوات الآوان".

 

واستطردت العروس المطلقة قائلة: "تقدم زوجى الى والدى بعد أن لفت نظره جمالى، لم أتردد لحظة فى الموافقة عليه فهو يعمل محاسبًا ببنك، كما أنه يملك سيارة فارهة وعائلته ميسورة الحال، فضلاً عن شقته التى كانت بموقع مميز بالمحافظة، وبناءً عليه تم الزواج فى عجلة حتى ظهرت الحقيقة أمامى بعد أيام من الزواج".

 

تابعت شروق قائلة: "لاحظت غيابى زوجى عن البيت باستمرار وما زالنا فى شهر العسل، شعرت بالشك تجاهه وبدأت أراقب هاتفه واكتشفت محادثات جنسية مع فتيات على الواتس آب، أصبت بانهيار فما زالت عروس ويخوننى، تماسكت قليلاً ولم أرو له ما وجدته حتى أتمكن من وجود دليل على خيانته". 

 

وأضافت: "افتعلت مشاجرة بينى وبينه وتركت من أجلها المنزل عدة أيام، وفى ليلة عدت إلى منزلى لإحضار بعض الملابس وجدته برفقة عشيقته على فراشى، أصبت بانهيار وأصررت على الطلاق، رغم أننى ما زالت عروسًا".

 

واختتمت حديثها قائلة: "دى غلطتى ويا ريت البنات.. متنخدعش بالمظاهر الراجل مش شقة وعربية".










مشاركة

التعليقات 6

عدد الردود 0

بواسطة:

منين نجيب الصبر

حمدا الله على السلمة يا ست شروق اشرقت الانوار--الطمع هو اللى وصلك لكدة والتعليم مش ببلاش

أنت بنفسك أعترفتى بالخطأ -طب تعالى واحدة واحدة واولا واشرحى لنا--كيف تتبعتى تليفونة وراقبتية معقولة فية راجل دلوقتى بيدى تليفونة لمراتة اللى هى فى نظرة الد اعداؤة--ثم لو هو دخل الحمام ونسى تليفونة ودة بنسبة صفر% فالتليفون بشفرة وكود وباسورد كيف فتحتية --معقولة هو متعود يسيب التليفون مفتوح لك متعمد يعنى--دة يبقى زوج فى منتهى الغباء والاخلاص فى نفس الوقت لانة معطيك الامان-صلاة النبى أحسن أة على ازواج اليومين دول اللى بيثقوا فى زوجاتهم--يا ستى التليفون عند الراجل اهم من الزوجة ولا انت لك رأى تانى--ثانيا--لماذا لم تسألى نفسك عن السبب الذى دفعة او يدفعة الى الغياب عن البيت --ولماذا لم تعالجى الموضوع بشئ من الحكمة بنفسك أو بأن تأتى بحكم من اهلة وحكم من أهلك--وتجلسوا بهدوء لحل المشكلة--انا لا اقصد ان اتهمك بشئ او ان العيب كان من عندك لكن هناك بعض الحالات الشخصية ربما منها المرضية فى الازواج تدفعهم دفعا للخيانة --ولا استثنى هنا النت من المسئولية لما فية من بلاوى وقعت على رؤسنا جمعيا وبعض الازواج يريدون ان تقوم الزوجة بما تقوم بة العاهرة فى الافلام اياها--ثالثا--على الزوجة ان تساير الزوج وتمتعة الى الدرجة التى تشبعة وتشبع نزواتة الزائدة ولكن بما لا يخالف شرع الله لانها فى هذة الحالة تكون محرمة علية--ها سا ست شروق العيب كان فين --وهل كان من الصعب علاج هذا العيب ام هناك اسباب اخرى--اسأل الله أن يوفقك فى حياة اخرى سعيدة بعيدا عن الخيانة وان تكونى قد استفدتى من الدرس اقصى استفادة--واذكرك واذكرة بقول الله تعالى --أنى حرمت الظلم على نفسى وجعلتة بينكم محرما فلا تتظالموا--وهنا من منكما ظالم للأخر--الله اعلم

عدد الردود 0

بواسطة:

بنت مصرية

بعد اسبوع !!

للأسف الشديد اللى اختشوا ماتوا !! وكل يوم الوقائع بتثبت ان الرجالة ( ماتوا فى الحرب ) طيب انتى زوجك خانك بعد تلت شهور , تقولى ايه فى اللى جوزها خانها بعد اسبوع !! دى بنت جارتنا , جامعية , مثقفة , جميلة , على خلق , أى شاب من اللى بيقولوا ان مشكلتهم انهم مش قادرين يتجوزوا يتمنى انها تسلم عليه مش تتجوزه !!اتقدملها شاب عن طريق صديقة امها , الشاب كانت ظروفه على قده , قال مش هقدر اجيب الا الدبلتين , قالت وماله احنا بنشترى راجل مش علبة دهب , قال مش هعمل فرح قالت واحنا هناخد ايه من الأفراح غير ناس هتيجى تاكل وتشرب وتخرج تتكلم علينا , اهو نلم اهلك واهلى وغنوتين على زغروتتين والليلة تعدى !! قال الشقة فى بيت اهلى ومفيهاش الا أوضة النوم قالت تمام وانا هجيب المطبخ ونعيش فيها لحد ما نكمل فرشها واحدة واحدة , واتجوزت زينة الرجالة , وبعد زواجها بتسع ايام جالها تليفون ان اخوها عمل حادثة واتنقل المستشفى , فخدت بعضها وطيران علشان تشوف اخوها وتواسى امها الست الكبيرة المريضة , وقعدت مع امها فى المستشفى يومين لحد ما اخوها حالته استقرت , فرجعت بيت جوزها اللى كانت مستغربة انه مكلفش خاطره يروح يقف جنبهم فى محنتهم !!وقالت يمكن محرج لأنه ممعاهوش فلوس ومش هيقدر يساعد بحاجة , معلش !!, وفتحت الباب ودخلت الشقة , لقت جوزها وعشيقته على فراشها !! فما كان منها الا انها خرجت من نفس الباب اللى دخلت منه وقالتله ابعتلى ورقة الطلاق ورايا !! واللى اكتشفته بعد كده انه كان على علاقة بعشيقته دى من قبل ما يتجوزها !! طيب يا عم لما انت عاوز تصيع وتعيش حياتك كنت بتتجوز ليه وتبهدل بنات الناس معاك ليه !!

عدد الردود 0

بواسطة:

منين نجيب الصبر

الى العزيزة الاخت-بنت مصرية--نأسف لك ولكل ست أصيلة مصرية على ما وصل الية بعض الرجال من سوء الحال

اولا تحياتى وتقديرى لك ولكل ست مصرية أصيلة مخلصة تريد أن تعيش فى مودة ورحمة وسلام--لم تسعفنى اللغة فى أيجاد وصفا دقيقا للرجال الذين يتمتعوا بدرجة لا توصف من الخسة والندالة وأنعدام الضمير--دعينا نتفق اولا بأنهم ليسوا برجال دى واحدة --الثانية أنحطاط الاخلاق عندما يتأصل فى أحدا من الصعب أن يشفى منة دى التانية --اما الثالثة--فللأسف الخيانة عند بعض الغير رجال ان صح التعبير مرض مثل باقى الامراض مع اختلاف الفوارق بينهم العديد من الامراض قابلة للشفاء الا هذا المرض مستعصى منذ بدأ الخليقة وليس لة مصل معين على الاقل يحد منة --والرابعة أن لكل انسان قدرة ونصيبة لا يستطيع تغيرها واى فتاة او سيدة ساقها قدرها الى زوج خاين ومصير مظلم عليها ان تزيد من الدعاء ونحن معها أن يعوضها الله افضل منة--وختاما لك ولهن كل تحياتى ولا توأخذننا على ما فعلة ويفعلة السفهاء منا-أسال الله العلى القدير أن يكون سندا لأى فتاة أو سيدة تعرضت لمثل هذة الصدمة المروعة والمحنة القاتلة وأن يعينها على أجتياز تلك الفترات العصيبة من حياتها نتيجة هذا الضرر الجسيم

عدد الردود 0

بواسطة:

حمدى عباس ابراهيم

الى السيد الفاضل جدا : منين نجيب الصبر . أسألك عايز الصبر لايه ؟

لقد شغلت ثلثى التعليقات لوحدك اضافة لما اعتدت الاسهاب كثيرا على المستوى الاجتماعى . الفلسفى . القانونى وأحيانا الطبى وانت غير مؤهل على أى هذه المستويات وكلامك كله لغط وعبط لكنى أشهد لك ننجاح باهر فى أمر واحد أجهل حقيقته يدفع الجريدة لنشر أى ما تقول مهما كانت فاقدن المضمون !

عدد الردود 0

بواسطة:

صريح

الراجل الخاين ده بيكون معندوش اصل بالمره وولاد الاصول مش ممكن يخونوا ابدا

لكن ولاد الاصل بيتبعوا الاسلوب الشرعى فى الغالب وهو انهم يتجوزوا على ستاتهم .. اما ابن الاصول اللى نادر فهو اللى بيحب زوجته واولاده والبيت بيكون مملكته الخاصه ولا يمكن يتجوز على مراته او يخونها فى يوم من الايام

عدد الردود 0

بواسطة:

الأسكندراني

(((( الأسكندراني .....متفرجا )))) !!!!

...و...و مساء الخير ...الدنيا ((مسرحيه )) أنا ان تمثل بشكل جيد ...وأما أن تجد لنفسك كرسيا ...وتصفق لمن أجاد عليك التمثيل ...هكذا أصبح المجتمع المصري ...وجوه تحت أقنعه ...قلوب مؤذيه ..وضمائر ميته ...غشاوه مستحكمه ...وحماقه ببنه ...وتفاهه وصمت ..وعقول متحجره ...فلأغتنم السلامه ..وأسحب كرسي ....لأكتفي بالمشاهده ...!!!!!خلصنااااا !!!

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة