أكد الدكتور أشرف الشيحى، وزيرالتعليم العالى والبحث العلمى، أن التعليم فى مصر "كويس"، قائلا، "هجيب مصحف وأحلف عليه عشان نصدق إن التعليم فى مصر كويس، وبلاش نقطع فى نفسنا، مين هيشغل الخريج لو إحنا قلنا عليه وحش، بلاش جلد الذات والعنف فى التصدى للمشاكل".
وأضاف "الشيحى"، خلال المؤتمر الصحفى الذى تعقده جامعة الفيوم اليوم، الخميس، على هامش زيارته التفقدية لمبانى الجامعة الجديدة، أن هناك دولا ترسل طلابها يتعلمون فى مصر، قائلا، "لو إحنا تعليمنا مش كويس مكناش هنلاقى الطلبة دول، وجادين فى حل المشاكل ونعمل عليها، الدنيا مش متوقفة وإحنا كل يوم أحسن مش هقول هنستنى 10 سنين لكن قارنوا السنة دى باللى فاتت ستجدون هناك تحسن، والمنظومة لن تصلح فى يوم".
عدد الردود 0
بواسطة:
الجندى
مش مشكلة ... أحلف وصوم 3 أيام
ياراجل انا عندى 3 أبناء خريجى جامعة بأتعذب علشان أقرأ خطهم ،،، دا فية خريجين مايعرفوش يكتبوا عربى خالص. وبيكتبوا العربى بحروف انجليزى ( موضة سخيفة بين الشباب )
عدد الردود 0
بواسطة:
محمد حلمى
ولا حاجه مجرد راى
تحلفلى اصدقك ...... اشوف الواقع استعجل الموضوع مش حلفان الموضوع النتيجة
عدد الردود 0
بواسطة:
كمال الدين المصري
بلآش تحلف على المصحف!
عندما لا يستطيع وزير التعليم أن يثبت نجاح التعليم بالطرق "العلمية" ويستعمل الطرق "العامية" فهذا أكبر دليل على فشل التعليم!
عدد الردود 0
بواسطة:
مجدى الحسينى
يا رجل عيب عليك ..انت كده بتظهر جهلك
يا حضرة الوزير المحترم بأى أمارة ان فيه تعليم فى مصر ...فى مصر تجارة بالتعليم و بأولياء الامور نعم اصدقك..فى مصر مؤهلات بالغش نعم اصدقك ... فى مصر مدارس و مدرس بدون تدريس و ادارات تعليميه سبوبة بدون تعليم....و جامعات حاجه كده عشان نوهم نفسنا ان عندنا تعليم. حرام عليكم المسؤلية ال ربنا هيسألكم عليها ...هذا ان كنتم فعلا تعتقدون انكم يوما ملاقوه..فيسألكم لماذا ضيعتم الامانة...
عدد الردود 0
بواسطة:
Yasin
!!!!!
"اصل اللي مايعرفش يقول عدس" و واضح ان وزير التربية و التعليم مايعرفش يعني اية يبقي فية تعليم جيد لان هوه دة اعلي سقف عندة للتعليم لا ياسيادة الوزير لاداعي للحلفان يعني هية ناقصة ذنب كمان!!!!!!!
عدد الردود 0
بواسطة:
Wahba Youssef
To Number 3, you are absolutely right.
فوق.
عدد الردود 0
بواسطة:
محمود عبد الغني
تقييم التعليم الجامعي
تقييم التعليم عموما والجامعي بالذات يخضع ?صول علمية ومراكز عالمية لترتيب الجامعات وليس نحن الذين نحكم على ذلك وعموما مستوى التعليم فى مصر يحتاج الى تجويد وتقنية عالية لمسايرة الدول المتقدمة والتركيز على البحث للحصول على المعلومة وا?ستنتاج بد? من الحفظ والتنشين
عدد الردود 0
بواسطة:
مصرى
ان كنت ?تعلم فتلك مصيبة
مصر مصنفة رقم 136 عالميا فى جودة التعليم من اصل 140 دولة فى التصنيف - لن نتقدم فى وجود أمثال هذا الوزير
عدد الردود 0
بواسطة:
احمد
بجد
اللى بيتكلم دة بدرجه وزير بجد معقوله هوة مش من هنا و الا هوة اصلا معندهوش فكرة عن مستوانا مقارنه بباقى الدول حسبنا الله ونعم الوكيل فى المسؤولين اللى وصلوا البلد و الشعب للمستوى دة
عدد الردود 0
بواسطة:
انور
معقول ده وزير
الكلام ده من واحد مسئول كلام فاضح ومهين ولايصح ان يخرج من لسانه- الارقام فقط هى الدليل الوحيد وعرض الحقائق بالادله وليس باللحلفان عيب عليك والله انا حزين لتدنى مستوى المسؤلين الكبار بالبلد وبالتالى تدهور البلد بسبب تعين غير الاكفاء بمناصب هامه-فن الاداره والكاريزما للشخصيات الهامه هو سبب نجاح الدول