التقى الإعلامي عمرو الليثي، مقدم برنامج "واحد من الناس"، المذاع على قناة الحياة، بسيدة أربعينية تدعى أم محمود وتعمل بائعة خضار، وتحدثت عن حالتها قائلة: "عندي خمس أولاد وعايشة بنعمة ربنا، وبجيب الحاجات دي من السوق بالأجل، وآخر اليوم بحاسب التجار وهما بيستحملوني لو مابعتش".
وأضافت أم محمود، خلال لقاءها بكاميرا "واحد من الناس"، "بيطلع لى في اليوم من فرشتي حسب الرزق يعنى في يوم 50 ويوم 20 جنيه ويوم مفيش حاجة وأهو ربنا بيرزق، وبفطر في رمضان بخضار من اللي عندي على الفرشة ممكن شوية بطاطس على أرز وشعرية أنا وأولادي الخمسة".
وعبرت عن أمنيتها الحصول على مكان تعمل فيه وتضع الخضار الخاصة بها في محل بدلا من الجلوس في الشوارع، قائة: "أنا بدعي ربنا في مكان أبيع فيه بدل البهدلة والشمس والتراب احط الفرش بتاعي بدل البهدلة في الشارع".
وقدم الإعلامي عمرو الليثي هدية قيمتها 5 آلاف جنيه لبائعة الخضار أم محمود، ورفضت في البداية الحصول عليها ثم عبرت عن سعادتها وقالت: "ربنا يجازيكم كل خير والفلوس جت في وقتهم وهجيب لحمة لأولادي"، وعلق عمرو الليثي بعد انتهاء الفقرة قائلا: "أنا كل يوم بتعلم درس في رمضان خلال برنامج واحد من الناس".
