أطلق حزب مستقبل وطن مبادرة "كلنا معاك" لدعم وتأييد الرئيس عبد الفتاح السيسي في الانتخابات الرئاسية القادمة، وذلك بالتنسيق والتعاون بين أمانات المرأة والعمل الجماهيري والشباب.
وأعلن الحزب عن المبادرة من خلال فيديو قال فيه: "إحنا المصريين طول عمرنا سابقين، بنينا حضارة بتبهر العالم لحد دلوقتي، عدت علينا حروب وأزمات سياسية واقتصادية وكل مرة بنرجع أقوى من الأول، وعينا بيزيد، قراراتنا في إيدينا عينينا على بكرة والمستقبل، ووقت الجد بنكون كلنا إيد واحدة، إحنا بنواجه صراعات إقليمية ومخاطر وتهديدات، المشهد السياسي في كل العالم بيتغير".
وتابع: "وفي ظل كل الظروف المحيطة بنا المشاركة السياسية في الانتخابات الرئاسية القادمة أصبحت ضرورة وواجب وطني، خليك إيجابي انزل وشارك في الانتخابات الرئاسية.. عبر عن نفسك وارسم مستقبلك واختار اللى يكمل معاك الطريق اللي بدأه، اختار اللى يقدر يبني ويعمر ويطور، اختار القائد الإنسان المصري الأصيل اللى عارف إن المصري طول عمره صاحب قراره ومفيش قوة في العالم تقدر عليه، وإحنا قررنا نبادر ونبدأ بنفسنا بمبادرة كلنا معاك".
وأوضح أن مبادرة "كلنا معاك" هي مبادرة حزب مستقبل وطن لتأييد الرئيس عبد الفتاح السيسي في الانتخابات الرئاسية القادمة، متابعا: "هنلف في كل مصر وهنكون موجودين في كل مكان، في القرى والنجوع والأحياء والمحافظات وفي الأندية والجامعات، وفي المراكز التجارية الكبرى، نتكلم ونتناقش ونتحاور، ونؤكد على أهمية المشاركة الإيجابية، وهنوصل صوتنا لحبيب المصريين الرئيس عبد الفتاح السيسي، وهنقوله كلنا معاك".
واختتم: "مبادرة كلنا معاك مبادرة وطنية لحزب مستقبل وطن بالتعاون بين أمانات المرأة والعمل الجماهيري والشباب.. كلنا معاك – كلنا إيد واحدة".
تم أضافة تعليقك سوف يظهر بعد المراجعة