قال الفنان حسين فهمي خلال الجلسة النقاشية التى يقدمها الإعلامى أيمن النمرتحت عنوان "مشوار فنان" ، ضمن فعاليات مهرجان الشارقة السينمائي الدولي للاطفال والشباب،" الفنان لازم يكون مثقف، احنا بنتسأل فى كل حاجة، يعني مثلا احنا بنتسأل ايه رأيك في اللي بيحصل في غزة، لازم ابقي فاهم سياسة علشان ارد، علشان مينفعش اقول اي حاجة، وانا صغير كنت لما اسأل في حاجة اهلي يقولولي افتح إنسيكلوبيديا، قاموس كبير في كل أو اغلب المعلومات، دلوقتي الموضوع اسهل، الانترنت سهل كل حاجة، علشان كده سهل تبقي مثقف ودارس".
وتابع فهمي حديثه قائلا:" احنا جيلنا مكنش بيهمه المادة، انا كان عندي عربية اسمها رمسيس ولما جبت الـ 28، حسيت اني جبت مرسيدس، واكيد المعاناة هي اللي بتصنع الفنان، وبتدمره، وكنا كلنا بندور علي الشغل وبس، لكن الجيل الجديد بيعدي ويبصلنا، مش زينا كنا اما نشوف حد من جيل أكبر كنا نقوم نقف، في ناس كتيرة مش بتبقي عارفة إيه سبب نجاحها وسقوطها، علشان كده لازم الفنان يكون علي أرض ثابتة، لكن الاصعب هو البقاء علي القمة، لأني من أول فيلم وانا نجم، مكنش عندي سلم، وعلشان كده كان من أصعب ما يمكن إني أحافظ علي القمة".
وأنهي فهمي حديثه قائلا:" أنا رقيب علي أعمالي، خاصة أن هناك نقابة والنقابة هي المسؤولة عن العقاب، وفي هذه الأيام احنا لازم منقبلش عادات وتقاليد غربية محددة، خاصة أن في ناس من المجتمعات دي رفضاها، ولهذا انا الرقيب".
ويقام مهرجان الشارقة السينمائى الدولى للأطفال والشباب، في دورته العاشرة، من 22 إلى 28 أكتوبر الجارى.
ويقدم المهرجان خلال فعاليات دورته العاشرة 81 فيلماً من37 دولة في العالم، تتضمن عروضاً سينمائية من دول تشارك لأول مرة في الحدث.
ويشهد المهرجان الذي تنظمه مؤسسة "فن" عروضًا لاربع أفلام تقدم لأول مرة على مستوى العالم، بالإضافة لـ 43 فيلماً آخراً يعرض لأول مرة في الشرق الأوسط، كما تستضيف منصة "السجادة الخضراء"، التي تتيح للجمهور فرصة اللقاء والحديث مع صناع الأفلام، عروض أربعة أفلام سينمائية هي: "نزوح"، و"نيكولاس الصغير"، و"هي من كوكب آخر"، و"طريق الوادى"
والدول المشاركة فى الدورة الـ 10 من مهرجان الشارقة السينمائي الدولي للأطفال والشباب: فرنسا، المملكة العربية السعودية، كندا، الولايات المتحدة الأمريكية، إيران، بلجيكا، سويسرا، الجمهورية التشيكية، اليمن، بجانب مشاركة إستونيا، ألمانيا، كوريا الجنوبية، إسبانيا، المملكة المتحدة، إيطاليا، لوكسمبورج، قطر، فيتنام، بالإضافة إلى سوريا، تايوان، الأرجنتين، الصين، الهند، أيرلندا، الأردن، الكويت، أوزبكستان، مع مشاركة لبنان، المغرب، النرويج، سلطنة عمان، البرتغال، روسيا، جنوب أفريقيا، السويد، توجو، الإمارات العربية المتحدة.
تم أضافة تعليقك سوف يظهر بعد المراجعة