قرار مفاجئ أعلنت عنه الفنانة حورية فرغلى وهو الاتجاه للغناء وتقديم أول أغنية ليها واللى تم تسجيلها فعلا تمهيدا لطرحها الفترة المقبلة.
حورية فرغلى مش بس الفنانة الوحيدة اللى بعد شهرتها فى التمثيل قررت انها تغنى لا سبقها كتير من الفنانات منهم:
بشرى اللى خاضت أول تجربة غنائية ليها مع المطرب محمود العسيلى 2005، وكمان الفنانة سمية الخشاب اللى بدأت مشوارها الغنائى فى 2009 وقدمت كذا أغنية خليجية كمان.
وبعد ظهور هبة مجدى فى كذا عمل درامى قررت هى كمان تقدم اول اغنية ليها فى 2015 بعنوان أسلوب حياة ضيف عليهم الفنانة لقاء الخميسى اللى ليها تجربة غنائية فى 2012 وبالفعل أنتجت أغنية بعنوان "مافيش مستحيل"
وفى الفترة الأخيرة طرحت الفنانة أيتن عامر فى اول السنة دى، أغنية "بناقص" واغنية "خطافة الرجالة" من عدة أسابيع.
أنت إيه رأيك فى أصوات كل فنانة فيهم ومين أكتر واحدة صوتها عجبك؟
