"كرومبو فى حياته مغامرات وقضايا وكل يوم هتشوفو حكاية "، هى كلمات أغنية تتر فوازير كرومبو الذى تعلقنا بها فى شهر رمضان وكنا ننتظرها دائما لنعرف اللغز وراء الحكاية، وفى برنامج دوبلاج نقدم اصل الحدوتة ومن هو صاحب الصوت الحقيقى لكرومبو.
أحمد سعودى هو صاحب الأداء الصوتى لشخصية كرومبو وعن كواليس المفتش كرومبو، قال لـ اليوم السابع ، المفتش كرومبو من أجمل الحاجات اللى عملتها والناس اتعلقت بيها جدا ، كنا كل يوم بنعمل فزورة وحكاية مختلفة، وكانت الكواليس كلها ممتعة أثناء التسجيل، وكنا بنستعين بالفنانين ودى كانت حاجة مختلفة ومميزة والناس حبيتها".
وأضاف" كان فيه تفاعل كبير من الناس الكبار والأطفال لأن المفتش كرومبو كان فيه جزء مسابقة وبشكل كرتون ودمه خفيف فكان فيه ميكس جميل جدا، فى الأول كان فيه سرية اننا مانعلنش مين اللى عامل اداء شخصية كرومبو لكن دلوقتى خلاص الناس عرفت و بتتفاجئ لأنهم بيفكرو ان كرومبو راجل كبير ووزنه كبير زى الكاركتر اللى معمول ولما بيشوفونى وبيعرفو انى شاب صغير بيتصدموا".
وتابع"كنت فرحان أوى لما كرومبو اتعمل منه لعب وفوانيس على شكله ونفسى كرومبو يرجع تانى لأن الناس كانت متعلقة بيه وبتحبه جدا، انا عملت مسلسل كرتونى اسمه وش سليندر تقريبا كنت عامل كل الأصوات بما فيهم اصوات التكاتك والعربيات ، انا بحب الفويس أوفر والدوبلاج جدا وبعرف اقلد الممثلين والمطربين وخصوصا محمد فؤاد ومحمد سعد".
تم أضافة تعليقك سوف يظهر بعد المراجعة