"أنا ببعد عن الفن عشان بقرب من ربنا".. هكذا أعلنت الفنانة زيزى عادل اعتزالها الغناء ونشرت فيديو عبر موقع "إنستجرام"، وقالت "أنا النهاردة طالعة أقول خبر مهم أخدته فى حياتى وهو قرار اعتزالى".
وأضافت: "القرار أنا وخداه من فترة كبيرة بس يمكن ما طلعتش قلت وقتها لأنى كنت حابة اتكلم مع نفسى ومع الناس القريبة أوى"، وتابعت: "الناس القريبة منى شجعونى ودعمونى وقرار الاعتزال بيبعدنى عن مغريات الحياة وهى الشهرة والأضواء".
وعن ظهورها دون حجاب قالت "هتستغربوا شوية إنى طالعة بشعرى ويمكن ده لأنى لسه ربنا لم ينعم عليا بالحجاب وبدعى ربنا يتممها عليا".
وأشارت إلى أن الفن مصدر دخلها قائلة: "أنا عاوزة أقول كمان الفن هو مصدر دخلى ورزقى وأنا بسيب حاجة بعيش منها وسيبتها وعارفة إن ربنا هيرزقنى وأنا راضية جدا عن قرارى وحاسة إن حياتى اختلفت تماما".
وتابعت: "أنا مش عاوزة أدخل فى حتة الفن حلال والفن حرام أنا بتكلم عن نفسى وحابة أموت وربنا راضى عنى ويمكن دى حاجة كلنا بنتمناها".
تم أضافة تعليقك سوف يظهر بعد المراجعة