حلت النجمة الكبيرة نادية الجندي، ضيفة على الدمية الشهيرة "أبلة فاهيتا"، في الموسم السابع لبرنامجها "لايف من الدوبليكس"، أمس الجمعة، وأطلقت تصريحات مثيرة فى الحلقة.
وكشفت الفنانة نادية الجندى، عن أن هناك علاقة صداقة بينها وبين طليقها المنتج محمد مختار؛ قائلة: "فيه بينا عشرة وذكريات جميلة والناس الأصيلة هي اللى بتحافظ على العلاقة دى، وكمان إحنا عملنا أحلى أفلام في صناع السينما المصرية، وهو شريك نجاح وصراعات ورحلة طويلة من الكفاح والنجاح مش مجرد زوج بس.
وروت نادية الجندي عن أغرب معجب واجهته قائلة: "كان في واحد مجنون بجد بيقف ليا تحت البيت وبيقول عاوز أشوفها ولما الناس تمنعه بيقلع هدومه في الشارع لغاية لما جابوله البوليس".
وتابعت: "أنا بحب شغلى جدا ودايما بحافظ على رشاقتى وبعمل رياضة ولياقة بدنية عشان بعمل أدوار أكشن، ولازم أصحى بدرى وبحافظ على جسمى ومش بدخن، وحارمة نفسى من الأكل الحلو عشان كده محافظة على جسمى".
الفيديو التالى، يستعرض أبرز تصريحات الفنانة نادية الجندى.
