القارئة سناء سراج تكتب: بعتنى ليه يا صاحبى

بعتنى ليه ياصاحبي..

بعتنى بكام..

لما انت يا صاحبى معندكش الأمان..

ومش هاتقدر تحمينى من غدر الزمان..

ليه عيشتنى فى الوهم والاحلام..

لما انت ناوى تخون وتغدر 

كنت ليه بتدينى الأمل 

فى اللى كان وكان..

ياترى بعتنى ليه وبكام..

فى يوم من الايام ادتنى الحلم هدية..

ومعاه كمان شوية حنية 

وأمل فى بكرة وكتير من الأحلام..

وبعد شوية أكدت على الهدية..

وكل شوية وغصب عنى يا صاحبى..

صدقتك وعشت فى الاحلام..

وكمان طرت بها فوق السحاب..

من غير جناحات

قبل ما اكتشف إنها أوهام 

بعتنى ليه يا صاحبى  

وليه بكتنى كمان وكمان 

بعتنى بكام ..

وفى يوم فتحت عنيا على 

هوجة ودوشه وزحمة كمان

ولما سألت ..

قالوا خلاص أخدوا منا الأمان..

ومبقاش فيه لا أمانى ولا أحلام ..

والفرح شح واخدوه منا الغربان..

والدموع ملت العيون وبقت فيضان..

مليانة بالألم والحسرة وكمان احزان..

اصلك خذلتنى ياللى كنت صاحبى زمان..

مبقاش ليك عندى غير الاسى

اللى كله مرار.. 

بعتنى ليه ياصاحبي..

بعتنى بكام..