لسه بدرى ع السفر
ولا خلاص آن الأوان
شنطتى شنطة سفر
والقطار فيه مكان
الليل والغيوم
جوة قلب السكون
خايفة من السفر
عايزة أرجع
وإن رجعت
هل ده هينفع؟
القرار أصبح صعب
بنتوجع منك يا حب
نفسى أهرب م الظنون
واترمى فى حضن قلب
لسه ميعرفش الكره
عمره ماداس على حد
علشان داق وقاسى
وفهم معنى الحياة
هى فين التذكرة؟
اهى فى جيبى
خلاص نويت ع السفر
هركب القطار
وأنا ونصيبى
لو لقيت قلب حنين
يبقى ما فى منه رجوع
وإن ملتقتش القلب ده
يبقى طريق الدموع
مفيش قدامنا غيره
نمشيه بطول لياليه
بأيامه بعذابه
تم أضافة تعليقك سوف يظهر بعد المراجعة