يا ميدان بقيت ذكري
ودقت العسل والنوم
جلجل هتاف بكرة
واتمطع الأسدين
في النيل بيتوضوا
والبسمة ع الشفتين
يا كوبري كان زحمة
وبينا النفس لازق
صلى الإمام بينا
رد الميدان ب آمين
طلع السحاب صوتنا
نزِّل جبال أمطار
سجد الجميع ع الكوبري
وشوش ودان الأرض
طلع الكلام موزون
يا رب لحظة صفا
شفَّع لنا المصطفى
ويعود لمصر الدفا
ويزول ما بينا الجفا
يروينا نيل الوفا
لحظة بكا الأسدين
كتبو التاريخ سلسلة
يا عين جالوت اشهدي
م تردي ياحطين؟
أحمس وجاب العجل
طرد الشرور برة
رفع الزمان راية
بصم التاريخ ليكي
وشد قوس النصر
في العسر انت الجبل
في اليسر باب النصر
دابوا العدا فيكي
وقفل التاريخ بابه
باب القتوح كان مصر
تم أضافة تعليقك سوف يظهر بعد المراجعة