كشفت الدكتورة جميلة نصر أستاذ أمراض القلب، رئيس شعبة الوقاية من أمراض القلب بالجمعية المصرية للقلب، أن مصر رقم 23 على العالم فى نسب الإصابة بأمراض الشرايين التاجية، موضحة إجراء دراسات عن معدل الإصابة بأمراض الشرايين التاجية لدى مرضى السكر فى عدة دول عربية، وهى مصر والأردن، ولبنان، والإمارات، والسعودية.
وقالت، خلال مؤتمر بان آراب "العربى للسكر"، والذى اختتمت أعماله مساء أمس بالقاهرة، أن هذه الدراسات أثبتت أن نسب الإصابة بالشرايين التاجية فى مصر يبلغ 8.3%.
وأضافت، أن هذه الدراسة أجريت على أكثر من 6700 مريض نصفهم تقريبًا من السيدات، موضحة أن هذه الدراسة أجريت فى مصر مؤخرًا، وأظهرت أن المرأة كانت تمثل إصابة بنسبة 8.9%، فى حين أن الرجل كان بنسبة 8% فقط، وأيضًا كانت نسبة الإصابة فى المدن أكثر من القرى بنسبة 8.8% فى المدن مقابل 7.2% فى القرى، أما متوسط العمر الذى يصاب بأمراض الشرايين فوق سن الخمسين كانت بمعدل 11% مقابل 5% دون سن الخمسين.
وأوضحت، أنه فى الدول المتقدمة أصبحت الزيادة الكلية تنخفض تدريجيًا بعكس الدول النامية، بل أصبح معدل الإصابة فى السن الصغير أكثر من الدول المتقدمة، مشيرة إلى أن هناك 20 سببًا للوفاة فى مصر، وتعد الإصابة بأمراض الشرايين التاجية على القمة يليها الجلطات الدماغية ثم أمراض الكبد الفيروسية، يليها ارتفاع ضغط الدم، ثم أمراض القلب الالتهابية، ثم سرطان الكبد، يليها أمراض الكلى، ثم أمراض الرئة، يليها سرطان الثدى، يليها الأنفلونزا، ثم أمراض الجهاز التنفسى، ثم أمراض الغدد، ثم روماتيزم القلب، يليها حوادث الطرق، ثم أمراض السكر، ثم العيوب الخلقية فى الأطفال حديثى الولادة وناقصى النمو ثم أورام الغدد الليمفاوية، ثم سرطان المثانة، ثم سرطان الرئة.
عدد الردود 0
بواسطة:
مصطفى علي
التعميم داءنا
تقولون معدل الاصابة بأمراض الشرايين التاجية لدى مرضى السكر .. ثم تعممونه على جميع الأهالي والخلاصة أن معدل الأصابة بمرض التعميم هو أعلى من الأمراض
عدد الردود 0
بواسطة:
بنت مصرية
الكارثة !!
الكارثة الحقيقية ان النسبة دى فى بلد شابة زى مصر !! مصر دولة اكتر من 70 % من أهلها فى سن الشباب , يعنى مفروض نسبة الأصابة بأمراض القلب والشرايين فيها تكون أقل من غيرها , لأنها أمراض مفروض علميا انها مرتبطة بتقدم السن , وعلى فكرة يا استاذ مصطفى مش مرضى السكر بس اللى بيصابوا بأمراض القلب والشرايين فى سن صغيرة , يعنى الحكاية مش تعميم ولا حاجة !! فعلا النسبة دى تشمل الأهالى كلهم , مرضى السكر والضغط واللى معندهمش لا سكر ولا ضغط !! المدخنين واللى مبيطيقوش ريحة السجاير !! أمراض القلب والشرايين عندنا لها أسباب تانية غير الأسباب المعروفة علميا !! أسبابها نمط الحياة الغلط اللى كلنا عايشينه !! الأعتماد على التيك اواى والفاست فود كنمط غذائى أساسى لغالبية الناس !! فيه بيوت كتير المطبخ فيها بقى ركن تراثى محدش بيستعمله فى حاجة !! ومتقولوليش ظروف مادية لأن أكيد الطبخ فى البيت هيكون ارخص من البرجر والفراخ الجاهزة وماك وكنتاكى ومؤمن والمطاعم المصرية المقلدة ليهم و اللى الكل بقى عايش عليهم !! كمان نمط الأنتخة وفوبيا الحركة اللى أصابت كل الناس حتى الأطفال , بقت الناس فاضللها شوية تشوف وسيلة مواصلات تدخلهم الحمام !! كمان انخفاض الوعى الصحى اللى بيؤدى لأنتشار عيوب القلب الخلقية والمضاعفات المرضية المؤدية لأمراض القلب زى الحمى الروماتيزمية مثلا !! غير تأخر اكتشاف مشكلات القلب حتى فى البالغين , زمان كنت تلاقى الواحد لو نهج وهو طالع السلم يوما ما بيروح للدكتور يقوله انا لاحظت انى بقيت بتعب من طلوع السلم !! , حاليا لو نهج حتى وهو ماشى فى شقته بيعتبر ده عادى لأن أغلب الناس بقت كده !! كمان السمنة المفرطة اللى زمان كانت مادة للسخرية فى الدراما والمسرح , حاليا بقت شىء عادى حتى بين الأطفال !! المعروف علميا انك كطبيب لما تشوف طفل أو مراهق ضغطه عالى دور على أمراض الكلى لأنه مش طبيعى ان مراهق يكون ضغطه عالى !! المفهوم ده دلوقتى اتغير وبقى عادى انك تلاقى مراهق أو طفل ضغطه عالى وكوليستروله عالى كمان !! لأنه عمريا طفل انما وزنه كبير بالنسبة حتى لشخص بالغ طوله قده تلت اربع مرات !! فيه اطفال فى ابتدائى واعدادى أوزانهم فوق 100 كيلو !! من غير أى أسباب مرضية غير ان الطفل ده عمال بياكل ليل نهار ويقرمش فى شيبسى وبسكويت وشيكولاتة ويشرب فى مشروبات غازية وعصاير وهو قاعد قدام الكمبيوتر او التلفزيون , حتى الكورة بقت بتتلعب بلاى ستيشن !!حتى اللى مشتركين فى أندية رياضية , بقوا مشتركين فيها ( للفشخرة ) مش للممارسة الرياضة , وبيروحوا النادى علشان ياكلوا وينموا على معارفهم ويروحوا !! الخلاصة ان اسلوب حياتنا الغلط وصلنا لوضع كارثى محدش مننا معترف بيه ولا عاوز يغيره , فبقت النتيجة ان الأمراض اللى كانت بتصيب الناس زماااان بعد الستين أو السبعين بقت دلوقتى بتصيب المراهقين والشباب , وبقى عندنا شباب فى التلاتينات ماشيين وفى جيوبهم اقراص الداى نيترا بتاعت الذبحة القلبية !! احنا فى كارثة حقيقية ولازم نعترف بده ونغير طريقتنا فى الحياة , لازم نرجع نطبخ فى بيوتنا ونتجمع حوالين السفرة فى مواعيد ثابتة للوجبات , ومحدش ياكل بينها الا فاكهة او خضار , الأكل مش عرض مفتوح طول 24 ساعة , ونقاطع التيك اواى والفاست فود , لازم نتحرك ونمارس رياضة ومناخدش مواصلة علشان نتحرك 100 متر ولا نطلع دورين بالأسانسير ولا نشترك للطفل فى باص المدرسة اللى بتتراح مشى فى ربع ساعة !! لازم نحافظ على الأوزان الطبيعية المناسبة لعمرنا وأطوالنا بالأكل الصحى والرياضة , لازم الشباب يمارس رياضات واعمال مفيدة بدال التدخين وتعاطى المخدرات , لازم اللى يشتكى من أى مشكلة صحية يعرف سببها ويعالجه واللى عنده مرض مزمن يلتزم بالعلاج ونظام الغذا والحياة المناسب ليه , لازم نستمتع بحياتنا بشكل صحى ومنقضيش عمرنا فى الأكل والنوم زى ما كتير عايشين من غير ما ياخدوا بالهم , لازم نبقى بلد شابة بكل طاقات الشباب وامكانياته وابداعه مش بالعمر وبس !!