وجه الإعلامى عمرو أديب، نداء إلى القيادات القانونية للقوات المسلحة، بالنظر إلى قضية الشباب المقبوض عليهم بسبب مسرحية "سليمان خاطر" التى عرضت فى نادى الصيد منذ أيام.
وقال أديب ببرنامج "كل يوم"، المذاع عبر قناة ON E، أنه يجب النظر إلى هؤلاء الشباب بنظرة مخففة فى قضيتهم، لأنهم لم يقصدوا أبدا الإساءة للقوات المسلحة المصرية أو الشرطة، مؤكدا أن الإساءة لهاتين المؤسستين شئ مزعج، كما أنه ليس مع هذا الأمر إطلاقا حتى لا يفهم البعض أنه يبرر للإساءة، وتابع: "بطلب من الناس اللى فى إيدها هذا الأمر أن ينظروا للشباب دول نظرة مخففة.. ميقصدوش حاجة سيئة تجاه القوات المسلحة، وفاهم إن أى شئ يمس الجيش والشرطة شئ مزعج، لكن مصر عقلها كبير وقلبها كبير والثقافة المصرية اللى عمرها 7 آلاف سنة يجب أن تستقبل حماس مجموعة من الشباب المصرى".
وطالب بالنظر إلى الأمر بهدوء وبشكل تربوى، مستكملا "أنا مش ضد تطبيق القانون ولست مع الإساءة للجيش، لكن يجب أن توجد الرحمة والتسامح والمراجعة وروح الحكم".
عدد الردود 0
بواسطة:
بركة
الناس دي عارفة بتعمل إيه .. دي مش غلطة في اتصال هاتفي أو برنامج على الهوا ..
عشان نقول يمكن زلة لسان .. دي مسرحية مكتوبة ومعمول عليها بروفات كثيرة وفيها شخصيات وهناك كاتب وسيناريست ومخرج .. وكمان إدارة نادي كبييييير وعريق اكيد عارفة مضمون وموضوع المسرحية .. عمل ممكن والله أعلم يكون ممول والفلوس اللي مرصودة لتخريب مصر زي الرز وخلال الأيام الحرجة القادمة الفلوس هتكون من غير حساب او سقف .. لا يا أستاذ عمر .. وكمان مش معاك في طلب العفو عن الالتراس اللي كسر أستاد القاهرة .. التساهل مش مطلوب .. طبعا حضرتك فاكر مأساة بورسعيد وسقوط الشهداء من جماهير الأهلي وأهالي بورسعيد ..
عدد الردود 0
بواسطة:
ام منار
ازاى نظرة مخففه يعنى!
اللى يغلط ويقل ادبه على الجيش والشرطه اللى بيحموا الشعب وبيموتوا فداء له لازم يتربى ولو كان ميقصدش برضه يتربى علشان غيره يتعلم ...والنبى بلاس ميقصدوش دى لانهم مش فاقدين الاهليه ... ده اسمه قله ادب منهم وقله انتماء وقله ضمير من صناعى هذا العمل.
عدد الردود 0
بواسطة:
ابوالحقيقه
كان فيه منه وخلص
ماهو ياعم عمرو مش مودينا في ستين داهيه غير الطبطبه ومعلش وحقك عليا لا ياباشا لو ماتعرفش لازم تعرف أن الجارحي من رجالة باسم يوسف ولو مابتقراش ومابتسمعش اللي بيقوله باسم عن الجيش وعن الرئيس تبقي دي مشكلتك انت كل واحد غلط يتحمل نتيجة غلطه علشان تاني مره يحترم نفسه
عدد الردود 0
بواسطة:
مواطن مصري
علي جنب انت شوية
دة اللي جايبنا ورا القانون قانون يا استاذ
عدد الردود 0
بواسطة:
ali
جرى ايه يا عموووووور
سيدنا محمد صلى الله عليه وسلم وصف جنود مصر بأنهم خير أجناد الأرض وهؤلاء نعتوهم بأنهم خير نسوان الأرض ( آآآآسف لكتابتي ما قالوه هؤلاء) فكيف يا عمورة أنهم لم يقصدوا الاساءة للقوات المسلحة؟؟؟؟ والمصيبة الأكبر من ذلك تطاولهم على الرسول صلى الله عليه وسلم بالاستهزاء من وصف جنودنا بخلاف وصفه صلى الله عليه وسلم إذا لابد من تطبيق القانون على الجميع صغير أو كبير واللي موش عاجبه البلد بلاد الخرفان معروفة يروحوا ليها.
عدد الردود 0
بواسطة:
محمد
نفس الكلام ده اتقال على بتوع سرطان 25 يناير
والنتيجة ايه فى النهاية كلنا شايفيين مش محتاجة شرح كفاية تحسيس على المغرضين بجد اتخنقنا وباييد تماما الراى الاول ديه مسرحية مدروسة بسيناريو وحوار ومخرج وبروفات مش سذاجة يعنى
عدد الردود 0
بواسطة:
د/ عبد الرحمن
أختلف معك كثيرا فى النظرة المخففة يا سيد عمرو
قرأنا عن هذا العمل الردئ والذى تم الإعلان عنه فى نادى الصيد ولولا استياء المشاهدين لما علمنا عنه شيئ. هذه المنظمة ليست عفوية ولا يقوم بتنفيذها أطهار وأنقياء ولكنها حلقة خبيئة لها أهدافها والفن ليس من بينها. قرأنا أن أحد المشاركين فى هذا العمل ممن شاركوا من قبل فى برنامج "البرنامج". أعتقد أن الأمور واضحة وهدفها الخبيث واضح والذى يتزامن مع التضحيات الغالية التى تقدمها قواتنا المسلحة. يا سيد عمرو آتنى بدولة واحدة فى العالم تجرأت فيها حثالة البشر على قواتها المسلحة. لن ننسى ما حيينا من حاصروا وزارة الدفاع فى يوم أسود ورأينا الرايات السود والفتاة التى تحاول اختراق الأسلاك للوصول إلى مبنى الوزارة ولم تتورع الفتاة عن الظهور على شاشة التليفزيون ويومها وصل إلى مكان المتجمهرين أحد كبار المعارضين معربا عن سعادته بما رآه وليس هذا فقط ولكن ليطلب من وزارة الدفاع حماية المتظاهرين أمامها. وبعد هذا كله تطالب بنظرة مخففة من أجل شعبية برنامجك. ياسيدى المسرحية اتسجلت يعنى اللى عايزين يعملوه خلاص عملوه فعلى الأقل يتحاكموا ونعرف مين وراهم. حمى الله مصر من كل حاقد ومتآمر وخسيس
عدد الردود 0
بواسطة:
الأسكندراني
(( بأي صفه تتحدث )) !!!!
...و...و صباح الخير ......ليس من حقك التدخل والمطالبه بأمور ليس لك فيها لاناقة ولاجمل ...قبل أيام تدخلت في موضوع المدعو خيري رمضان ..وطالبت بلأفراج عنه ...بأي صفه تتحدث ...أنت مقدم برامج ففط ...فرجاء لاتقحم نفسك في أمور القضاء ...الا إذا كان هناك شيئ ...أو أشياء ..وأمور نحن لانعلمها .....تدار ...وتحاك ..من خلالك .......بلاقرف .
عدد الردود 0
بواسطة:
Adel Qutaim
تاني هنقول معلش
حتى انت هتقول معلش ومكانش قصدهم ... ما هو الحاجات دى هيا اللى بتشجعهم هما وغيرهم وتخليهم يعملوا اللى هما عاوزينه