قال الإعلامى عمرو أديب، تعليقاً على انخفاض معدلات المواليد و الوفيات مقارنة بالأعوام الماضية، إن أى مياه يتم توفيرها أو أموال أو افتتاح مدارس، يتم إهدارها مع زيادة 2.5 مليون نسمة سنوياً، مردفاً:"ياكلون الأخضر واليابس".
وشدد أديب، خلال تقديمه برنامج "كل يوم"، على فضائية "ON E"، على ضرورة خفض الزيادة السكانية، ولا بد من وضع إجراءات لذلك، وألا يكون للمولود الثالث تموين، مردفاً:" لازم العيل التالت ميبقاش له تموين ودعم وتعليم، الأول والتانى ماشى، والتالت لا".
واقترح أديب، تطبيق تلك الإجراءات بدون أثر رجعى، موضحاً أن الدنيا لا تسير بسهولة ولكنها تحتاج إجراءات قوية.
عدد الردود 0
بواسطة:
Ayat
نرجوا من عمرو أديب تبنى هذا الموضوع
إلى من يهمه الأمر فى مصر للطيران نرجوا مراجعة أسعار مصر للطيران من نيويورك إلى القاهرة والعكس لموسم الصيف ومقارانتها بأسعار الشركات الأخرى لإن أسعار مصر للطيران مبالغ فيها
عدد الردود 0
بواسطة:
السويسى
ساكن البرج العاجى يتكلم و يصدر الاحكام
يعنى مثلا لو واحد خلف العيل التالت قضاء و قدر ومكانش عامل حسابه ...نعاقبه مثلا و لو يروح يموته .و يرتاح ..طبعا الزيادة السكانية لها تأثير سلبى على اقتصاد البلد ...لكن حرمان الطفل التالت من الدعم مش الحل ....و ياريت يا عمرو اديب ماتصدرش احكام على الناس الغلابة و الفقرا .و انت اساسا مش حاسس بحاجة ....عايش فى برج عاجى و مش حاسس لا بالغلا و لا بمعاناة الفقرا ....اتقوا الله فى كلامكم و حسوا بالفقرا يا ساكنى الابراج العاجية .
عدد الردود 0
بواسطة:
الباشا
الي الاخ السويسي
كل واحد علي أده معاك فلوس وتقدر تصرف علي عيل وتأمن مستقبله خلف .متقدرش يبقي متخلفش .برج عالي ايه بس بلاش حقد ..
عدد الردود 0
بواسطة:
الأسكندراني
(( الدعم ....التجنيد )) !!!!!
...و...و ................ من لاتدعمه الدوله طفلا ...برغيف عيش وأزازة زيت وكيس سكر ......عليها أن تخجل من طلبه للتجنيد شابا فتيا ......فقراء مصر ....ملح أرضها .......فلتحذروا أهانتهم أكثر من ذلك ...والدوله التي لاتستطيع استثمار أبنائها ......دوله فاشله ومهيضة الجناح ...عرجاء ..عمياء ..مشلولة الأطراف .....بلا قرف ....خلااااص.
عدد الردود 0
بواسطة:
محمد زهران
ياريت يكون الاعلامى اعلامى فقط
سن القوانين والتشريعات ليها ناس متخصصة تخيل ان أكثر من نصف عدد المتزوجين عندهم أكثر من ثلاثة أبناء التشريع ده خرج للنور هتعرف توقف ثورة فى الظروف إللى البلد عايشتها ومستحملة على أمل مستقبل أفضل ارحم وبلاش
عدد الردود 0
بواسطة:
Xxx
عنده حق
صح الكلام
عدد الردود 0
بواسطة:
فرعون
إلى تعليق 2
يا استاذ سويسى الفقير ما يخلفش كتير مدام مش قادر يصرف عليهم و يقولك اعمل ايه يعنى اروح اسرق .لأنه بكده بيحكم عليهم أيضا بالفقر و الإهمال و يكبروا يكونوا قنابل موقوتة .و الآن فى مصر اللى بيخلف كتير هم الجهله و اللى يدعوا الفقر و هم من استولوا على الأراضى و بنوا بيوت و أقاموا المناطق العشوائيه و اللى بيخرج منها المدمنين و المجرمين و و الحاقدين على المجتمع . كل الدول المتحضرة حلت هذة المشاكل بتطبيق قوانين تحد من هذه المهزلة.
عدد الردود 0
بواسطة:
أحمد
اخيرا
اولا حاجة تقولها صح فى حياتك ياريت الاعلام يتبني الموضوع ده
عدد الردود 0
بواسطة:
د. أحمد عزب
تعقيم من ينجب الطفل الثالث
ينبغي ان يكون الأنجاب لطفلين فقط، من ينجب الطفل الثالث (قضاء وقدر) ينبغي تعقيمه هو وزوجته
عدد الردود 0
بواسطة:
عماد عزمى
صح
صح فى ناس بتجيب عيال ترميها فى الشوارع ""