الوقت خلاص
مبقاش يسمح أننا نتحايل ع الأيام
ونضيع كل ثوانى العمر ونقوم وننام ونسيب الدنيا تأخدنا بعيد
نتغرب عن أغلى مالينا
والوحدة بتبنى بيوت فينا
والأيام رايحة تعيد وتزيد
واللى قريب من قلبك
هيجيله اليوم وهيبقى بعيد
لازم تنسى الأحزان وتعيش
لو لحظة سعيد
ف ياريت تفرح بربيع العمر
وتشيل من قلبك كل سواد
أيامك بتعدى وبتمر
هتعيش مكبوت..هتعيش فرحان
لازم هتمر
ف بلاش.. تستنى سراب مدفون
شيل كل نفاق مرسوم ف عيون
وبلاش تحلم ب ال ١٠٠ مليون
احلم على قدك خليك حر
حاول ترسم أفراح بإيديك
وتخلى الناس تتقرب ليك
لما انت تكون حاسس بالناس
وقت الازمات..مليون واحد هيكون حواليك..
قرب من ربك وادعيله
وياريت لو تقدر تديله
من رزق إيديك
وابعد عن حد بيجرح فيك
ويزود ألمك ودموعك
تسهر لياليك
وارسم أفراح جوه ف بيتك
خد دعوات أمك هتنجيك
وأبوك هيكونلك سور حواليك
وأولادك حاول ترضيهم
وبصبرك هتأثر فيهم
لو وسط مخاطر كل الكون
هتسيبهم.. أبدا م يأثر فيهم
تم أضافة تعليقك سوف يظهر بعد المراجعة