شخص حزين – أرشيفية
مشاركة
بحرك مابقاش يغرقنى
وبعطش بين ضفاف نهرك
رسمتك حلم قدامى
بترمينى ورا ظهرك
وقلبى اتعبى من عفنك
وتوب أسود بلون الآه
ومتزين بكا وتنهيد مكان جرحك
ده شجر الورد شوك طارحك
أنا اللى بنظرة كنت بموت وبتجنن
لكننى خلاص مابتمناش
صديق ليا
يشوف صندوق وفيه كفنك
جناين كدب أشجارها على لسانك
ده لو يرموكى وسط النار
هتاكليها.. كأنها نكهة فى لبانك
خلاص قلبى قفل بابه
فرش أشواك على أعتابه
وحقن السم فى أنيابه
وموتى بالحيا وسابك
ولا لمك ولا دفنك
مشاركة
تم أضافة تعليقك سوف يظهر بعد المراجعة