برسمك واتعلمك
وأنا تلميذ بيحضن فيكى أحلامه
بشوفك نور وبيصارع سواد الليل
عشان يوصل ويقتل كل أوهامه
وبغزل بيكى أفراحى
وبسدل بيكى الفين سور على جراحى
ومهما يعدى بيا زمان
وأنا شبعان من الحرمان
ومتسقى من الأحزان
عنيكى بينبتوا فيا
طريق يوصل لأفراحى
وأنا نايم بشوفك ماسكه ف إيديا
واحقق حلمى وانا صاحى
عباية ليل وبتغطى جذور القلب
ساعات بيحس وباقى العمر بيضيع
جوه بحر الغلب
بيحلم ليله يبقى سعيد
بقى مخنوق من التنهيد
عشان مقتول لأنه وحيد
وأنشف م الحديد الصلب
تم أضافة تعليقك سوف يظهر بعد المراجعة