إياك تفكر تصاحبها .. ولا تعاديها ولا مرة
خذها يا صحبى على عيبها .. دى الدنيا طول عُمرها مُرة
تدى وقت ماهية عايزة .. وتأخذ كمان من ناس عايزة
ممكن فى يوم تديك جايزة .. وتسحبها وقت ما هى عايزة
مطرح ما تمشى هتوديك .. حاسب لتغضب بس عليك
اعمل حسابها الله يخليك .. ده ياما تاهو ناس قبليك
هى صعبة ومش سهلة .. ولا فيها حاجة مستاهلة
صاحبها و إياك تخسرها .. قبل ما تنزل فى ترابها
ممكن فى يوم ترضى عليك .. وفى لحظة واحدة كمان تنهيك
حافظ عليها الله يخليك .. وهى من خيرها راح تديك
فرفش فيها وأتعايش .. وإن حتى عشت على الهامش
الدنيا بحر مالوش آخر .. من غير لا شط ولا ميه
سيبها براحتها على الآخر.. وعشها بصدق النية
الدنيا صعبة ومش دائمة .. لا هى مديونة و لا داينة
الدنيا يا صاحبى دى فانية .. بتروح فى أقل من الثانية
تم أضافة تعليقك سوف يظهر بعد المراجعة