بعد الزنقة وشيل الطين وبعد الغربة لست سنـين
قـالـولى نُصب الـسـقـف مادمنا للحيطان بانيين
ونـبـقــــى زى جـــارنـا و نـبـنى ســــوا الإتـنيـن
وأدى الخــريف هـيـودع و ع الـــربيع داخـلـين
وبـات الـســـقــف ع الحـيـطـان راكــب
بعد ما عـشـشـت فـى جـيـوبى العناكب
وأنا اللــى كـان أملى يـفـيـض قــرشين
أعـــمـل بـيـهـم حـــاجـة تـمـلا الـعـيـن
لـقـيت فــى الــزحــمــة ركــبنى الـديـن
وزاد الـــطــيـن بـلــــه بـــعـد يــومـيـن
كـل حـيـطة م الحـيطـان راحت نصـين
وبدل ماكــنت هتهنىٰ وأعيشلى يومـين
صبحت بـتمـنى يـزيح عـنى شر الـعـين
وقـعدت حزين و بتألم من اللى جـرالى
وسنين عـمرى بتعدى كما الفيلم قـُدامى
وأنا سـارح و بـتـأمل كــده فـى حـــالى
خدنى شيـطـانى كما العادة لشط بـعـيد
ليه تـهـدم فى أنقـاضك وتبنى جـديد؟
كان فكرك ينصلح حالك وتبقى سـعيد؟
أهـى عكت ومن تانى يا أبو مـخ عــنيد
......................................
و بـبـص فـى المـراية شـوفـت حسن أرابيسك
شــاورلى بالـعــصـايـا و كــان ريحــتـها مـسـك
قـالى مشيت خُطايا ! قَبلك يـاما إتـعـاكست
ومن نومة السجن جانى مرض بيقولوا ديسك
ليه تبنى ع البقـايا ؟ ياصاحبى دا يـبقى رسك
..............
لـو عـايز تـبـنـى صـح قــول للـبـقـايـا بـح
وشـيـل كـل اللـى كان و إنـزل فـيـهـا دح
بـس أبدأ بالـقــواعـد وأسـس فـيـهـا صـح
راح توصل للنهاية من غير ما دموع تِسح
تم أضافة تعليقك سوف يظهر بعد المراجعة