حققت أغنية المطربة أمال ماهر الجديدة، "بداية بدايتك"، التى طرحتها خلال الـ24 ساعة الماضية، ما يقرب من 150 ألف مشاهدة، وذلك عبر موقع يوتيوب، والأغنية من كلمات نادر عبد الله، وألحان ياسر ماجد، ومن توزيع وميكس طارق مدكور.
وتقول كلمات الأغنية:
أنا بداية بدايتك.. أنا بقية حكايتك
أنا العمر اللي جايلك.. وأنا العمر اللي فايتك
مين يجي ياخد مكاني.. وانت لمين غير عشاني
دا أنا كتير من حناني.. سبتك تاخد كفايتك
أنا حب سنين كتيرة.. يا حبيبي وانت عارف
أنا الأولى والأخيرة.. مش معرفة م المعارف
أنا اللي جوايا ليك بدل الشوق الف شوق
وأنا الطيبة اللي مش هتلاقي من بعديها طيبة
ولوحدي أنا اللي ليا فيك كل الحقوق
ما أنا شريكة حياتك والصاحبة وكمان الحبيبة
أنا وبس الوحيدة.. والمعلومة الأكيدة
أنا القصص القديمة.. وأنا القصص الجديدة
أنا كلامك سكاتك..أنا حروف اغنياتك
ومن يومي في حياتك.. أنا الجملة المفيدة
كانت النجمة آمال ماهر قد أعلنت عن طرح ألبومها الجديد خلال الأيام القليلة المقبلة، وهو الألبوم الذى يحمل اسم "أصل الإحساس"، لتبدأ فى تشويق جمهورها بأولى أغانى الألبوم، والتى تحمل عنوان "بداية بدايتك".
تم أضافة تعليقك سوف يظهر بعد المراجعة