لو بتسأل عالبنات
هما السكر نبات
هما ازهار الجنينة
هما اجمل كائنات
عارف ايه سر السرور
ضحكة طالعة فوش نور
تضحك الدنيا معاها
فجأة صبح الكون يدور
وأما قلبى يدوق أنين
بجرى أروح فأحضان نيفين
انسى روح وانسى تعبى
وانسى كل المجروحين
عارف ايه سر السعاده
لما تسكن قلب غادة
تلقى طعم الدنيا حلوة
حلوه حتى وبزيادة
واما اكون مش محتمل
بس اشوفك يا أمل
ببقى واحد تانى خالص
اكنى ورده فوق جبل
طب وايه معنى الحنين
نظرة واحده من شرين
نظرة تاخد قلبى منى
بنسى منها ابقى مين
واما ادور عالحنان
جوه ننى عيون. ايمان
بلقى بحر فشطه بسكن
جوه بيت مليان امان
طب وايه سر المعزة
لون عيون الغالية عزة
ويا ضحكة طالعة منها
تلقى طعم الدنيا لذة
أما لو عاوز إثارة
بصة واحدة فوش سارة
تنسى بيها الهم كله
تنسى يوم دوقت المرارة
واما اتوه وسط المدينة
يكون دليلى عيون أمينة
وابقى سارح ويا طيفها
لحد مبلاقى السكينه
عارف ايه طعم النجاح
ضحكه واحده من سماح
ويا لمسه من ايديها
تلقى طعم المر راح
اما لو عاوز هنا
هتلاقيه فى احلام مني
ببقى جوه فدنيا تانيه
بلقى. نفسى مش هنا
واما اقولك عالنقاء
غمازات خدين سناء
ويارمش عيونه جارحه
فيها بلسم للشفاء
اما لو عاوز مفاتن
هتلاقيها فشكل فاتن
تلقى منها الحب كله
حلم جوه القلب ساكن
واللى خايف ماللى جي
هيه نظره يا ست مي
نظره تشفى نظره تحيي
راح تخللى القلب حي
اما مفهوم العدالة
اترمى فحضنك يا هالة
يبقى بيتى ويبقى سكني
بعدى عنك استحالة
واما تبقى الدنيا داكنة
تفتحى فحضنك يا فاطمة
تفتح الالوان فى دنيا
فيها جوه القلب ساكنه
واما احب انسى المرار
ابتسامه من منار
راح تخلى الدنيا جنة
وقلبى سارح فى المدار
عارف ايه هوه المراد
انى اسمع صوت سعاد
ينخلع من صدرى قلبي
ينقلب حى الجماد
هوه ده اجمل مراد
هوه ده اجمل مراد
عدد الردود 0
بواسطة:
محمد عشري
احسنت يا ابراهيم
ربنا يحفظ بناتنا واخواتنا وزوجاتنا وامهاتنا امين يارب العالمين.