تخطفك بصوتها الدافئ ومشاعرها الصادقة لتقع أسير حبها فى كثير من الأغنيات، نتحدث عن الفنانة أنغام أسطورة الأغانى العاطفية، والتى استطاعت أن توثق بأغنياتها مراحل الحب لدى الفتاة المصرية.
بعتلى نظرة بعتله.. بداية الإعجاب
بعتلى نظرة
علاقات حب كثيرة تبدأ بنظرة وهذا ما قالته أنغام فى أغنية "بعتلى نظرة"، لتعبر عن البنات فى بداية قصص الإعجاب الذى قد يتطور ويتحول إلى حب، فى فترة قليلة.
سيدى وصالك.. البنت لما ترفع شعار " مش هيكلمنى ولا إيه؟".
سيدى وصالك
وعندما تطول فترة الإعجاب تتمنى الفتاة أن يكون هناك حديث بينها وبين من تعجب بها لتبدأ قصة حبها معه التى تمنى نفسها به، وهذا ما ظهر بأغنية "سيدى وصالك"، فهى تتمنى القرب ممن تحب لإحساسها الشديد به، لتقع فى حيرة هل نظراته تحمل إعجابا بها أن أنه لا يشعر بها.
بحبك قولها.. هو مش هيعترفلى بحبه بقى؟
بحبك قولها
وبعد التواصل مع الشاب وتطور المشاعر بينه وبين الفتاة تنتظر معه محبوبته كلمة الخلاص "بحبك" وتتعطش لسماعها منه، وهنا تقول أنغام "بحبك قولها للعالم وميهمكش لو لاموا ولكن قولها ماتخافشى هيجى اليوم متندمشى حرام إنك تسيب قلبى غريق والبر قدامه".
أنا ساندة عليك.. "لما الحب يولع فى الدرة"
أنا ساندة عليك
وحين يعترف الرجل بحبه، ويقول الكلمة المنتظرة يكون لسان حال الفتاة أغنية " أنا ساندة عليك" فترى فيه فارس الأحلام وتقول "أنا ساندة عليك لو يوم الدنيا بتيجى عليا أنا بتحامى فيك وفى عز البرد بلاقى دفايا فى حضن عنيك".
بحبك وحشتينى.. بداية النقط على الحروف
بحبك وحشتينى
وعندما يهدأ الحب تبدأ متطلبات الفتاة لتقول لحبيبها "بحبك.. وحشتينى.. انا آسف على التأخير.. ماليش بعدك يانور عينى .. حاجات لازم تقولها كتير"، وهنا تطلب تضع النقط على الحروف لإستمرار هذا الحب.
اتجاه واحد.. صدمة الحب الأول
اتجاه واحد
وبمرور الوقت قد تكتشف الفتاة أنها ليست الحب الأول فى حياة رجلها وما هى إلا سد خانة لفتاة مازال يعشقها، وهنا تعبر أنغام عن ذلك بأغنية " اتجاه واحد"، لتقول " ليه ماقولتليش من أولها كان حد فى حياتك قبلى لما زمان بتبصلها طب كنت ليه بتقربلى، صفحة وقبل ما تقبلها طب كنت ليه بتفتح غيرها، وخلاص مفيش حاجة نعملها السكة دى وصلنا آخرها كان زمان عندى فرصة الاختيار بس دلوقتى القرار فى اتجاه واحد وأنا هسيبك عشان كداب، روح وغيب أنت مش نافع حبيب".
ساعات كتير.. حنين ما بعد الفراق
ساعات كتير
وبمجرد ان تتخذ الفتاة قرار الانفصال وتمر السنوات عليها لتشتاق للحبيب ناسية وهنا تمثلها أغنية " ساعات كتير " التى تقول "سنين فاتت عليا وقلبى على حاله لا أنا بنسى ولا قادرة إنى أصفاله بحبه لكنى شايلة فى قلبى منه كتير، ونفسى أقوله إنى لحبه محتاجة وفى حاجز بيمنعنى وميت حاجة عشان ده جرحنى فى غرامه وجرحه كبير، وساعات كتير بحتاج للمسة من إيديه وأشتاق لحضنة ونظرة واحدة من عنيه".
مجابش سيرتى.. ترقب أخبار الإكس
مجابش سيرتى
وفى فترة الفراق تتساءل الفتاة كثيرا عن أخبار الحبيب السابق قائلة " مجابش سيرتى مقالش حاجة مكانش نفسه يقولى حاجة.. حب ولا لسة مظنش سهل ينسى، سأل عليا سأل عليا بإيه سأل عليا بكلامه ولا عنيه؟"
مابتعلمش.. راجعين من تانى
مبتعلمش
وهنا تقرر الفتاة أن تعود للحبيب لترفع شعار "مابتعلمش بغيره القلب ما بيحلمش يروح ويغيب ولما يجينى من تانى يسامحه القلب فى ثوانى كأنه ليالى متألمش".
ده اللى عندى.. الملل يدق ساعة الفراق
ده اللى عندى
وبعد العودة للحبيب يتدخل الملل ويفرقهم من جديد وهنا تقول له الفتاة " اهو ده اللى عندى"، ليفترقا مرة أخرى تكون بها الخلاصة لقصة الحب.
اكتبلك تعهد.. اعتزال الفتاة للحب
أكتبلك تعهد
ونتيجة للإرهاق بالعلاقة تقرر الفتاة الانسحاب واعتزال الحب لترتاح من اوجاعه للأبد قائلة " ممكن تسيبنى أشترى عمرى اللى باقى قول بكام مش عايزه أعيشه معاك عشان لو عيشته كله جراح حرام، ولو أنت خايف لما تسيبنى أقابل بعد حد يصونى وأنت لو مبقتش بتصدق كلام أنا ممكن أكتبلك تعهد إنى ممكن أعيش لوحدى بس عمرى بس أعيشه باحترام".
تم أضافة تعليقك سوف يظهر بعد المراجعة