اقترب باسم مرسى مهاجم فريق الزمالك من قيادة هجوم فريقه للمباراة الثالثة على التوالى حيث ينوى الجهاز الفنى بقيادة إيهاب جلال فى الدفع باللاعب ضمن التشكيلة الأساسية فى لقاء الداخلية المقرر له اليوم الخميس ضمن الأسبوع الـ 19 لمسابقة الدورى المصرى الممتاز .
باسم مرسى قاد الزمالك أمام الأهلى و الإنتاج
وتواجد باسم مرسى فى تشكيلة الزمالك الأساسية خلال آخر مباراتين أمام الأهلى ثم الإنتاج الحربى بعدما قرر إيهاب جلال الاعتماد على اللاعب بالتشكيلة البيضاء أملا فى استعادة مستواه المعهود والمعروف عنه خلال المواسم الماضية .
باسم مرسى وكاسونجو ثنائى هجومى بتشكيلة الزمالك
ويدرس الجهاز الفنى للزمالك استمرار اللعب بثنائى صريح فى الهجوم خلال مباراة الداخلية بعدما لعب الأبيض بهذه الطريقة فى آخر مواجهاته بالدورى أمام الإنتاج الحربى حيث قاد الهجوم الأبيض الثنائى باسم مرسى و الكونغولى كاسونجو .
إيهاب جلال يجهز باسم مرسى نفسيا
ويعكف إيهاب جلال على عقد جلسات مستمرة مع باسم مرسى على هامش تدريبات الزمالك لمطالبة اللاعب بعد التفكير فى أى أمور سلبية خلال المرحلة القادمة و التركيز داخل الملعب فقط لاستعادة مستواه مع التأكيد على ثقته الكاملة فى قدرات اللاعب لتحقيق الفارق خلال الفترة المقبلة .
عدد الردود 0
بواسطة:
محمد
استعادة الثقة
الموضوع مش استعادة الثقة الموضوع هو امكانيات بدليل أن ايمن حفني كان بعيد عن المشاركات بسبب الإصابة وبسبب نيبوشا ولكن رجع زى الفل ! وكفاية مهازل وظلم لاشيمبونج!
عدد الردود 0
بواسطة:
حزلؤوووم
ازاحة اشيمبونج لصالح باسم يوضح تدخل المستشار
وكلنا امبارح شوفنا ابداع كابوريا وسيسه مع الاتحاد ... لان تلضغط النفسي اترفع من عليهم .. لانهم لو غلطوا مش هيتشتموا بالام بعد الماتش .. وكمان الكورة حرفنة وصنعه .. وااصنايعي ممكن تفاصل معاه في فلوس لكن ما تركبش علي دماغه في الشغل ولا تقلل من صنعته ما بالك ابداعه
عدد الردود 0
بواسطة:
صباح الدين دويدار
شكلك صدقت انك مورينيو
يا عم العب بواقعيه .. واعتمد على اللاعب الجاهز فنيا وبدنيا ( واخلاقيا) .. واللي انت عايز تعالجه نفسيا وتجهزه بدنيا يكون في المباريات الوديه .. هذا بشكل عام .. اما بالنسبه لباسم ( ابو توكه ) فهو لاعب منتهي فنيا من زمان ( حتى لو سجل هدف ولا هدفين ) فالمدافعين في جميع الفرق بتسجل في بعض المواقف ولن يكونوا بذلك هدافين لفرقهم .. هو فالح فقط في التمثيل بالملعب والاعتراض على الحكام.. لا تضيع وقتك وجهدك معه لان موقف الفريق مش ناقص نفخ في قرب مقطوعه .. واضح ؟
عدد الردود 0
بواسطة:
سـعيد متولى
يسـتعيد الثقة على حسـاب نتائج النادى ! !
الأفضل يروح مصحـة نفسـية يتعـالج ، مش بيفيد النادى بنكلة ، راجعوا أخر 500 ألف مباراة لعبها ، بيعـوه لأى نادى و هاتوا بتمنه مبرد مياه فى النادى ثواب على روح شـهداء الوطن ، كده يبقى عمل حاجة مفيدة
عدد الردود 0
بواسطة:
محمد
رجاء النشر
انته راكب دماغك ليه يا كابتن اللاعب دا هايكون سبب فى مشيك من النادى مابيعرفش متبيعرفش مابيعرفش يلعب نقول تانى والله هايتسبب فى اقالتك لو اصريت عليه
عدد الردود 0
بواسطة:
جمال علي
عناد إيهاب جلال
عندما كان لاعبا بفريق الداخليه ماذا فعل الاعب اشيمبونج بإيهاب جلال لبستبعده بهذا الشكل بالرغم من إنه مصدر الخطوره الوحيد بين كل مهاجمي الزمالك وبالذات الكابتن ابو توكة الذي سيكون أول الأسباب لإقالته من تدريب الفريق
عدد الردود 0
بواسطة:
احمد ع الغنى
الدوليين سبب هبوط الزمالك
الزمالك ها يتغلب تانى وايهاب جلال بيكتب نهايته على ايد باسم مرسى
عدد الردود 0
بواسطة:
أبراهيم محمد
باسم مرسي
باسم مرسي اللاعب الوحيد في الزمالك اللي بيحب النادي وعاوز يلعب ويجيب أجوان , والمسألة كلها مسألة ثقة مش أكتر . وبرضه الحظ مش بيخدمه في مرات كتير .
عدد الردود 0
بواسطة:
صلاح الدين دويدار
واضح انك صدقت انك مورينيو
يا كابتن ايهاب فريق الزمالك فريق كبير على أمثال باسم مرسي ( ابو توكه ) وهو لاعب منتهي من موسمين ( وحتى لو سجل هدف كل مباريتين أو ثلاثه لا يعني انه مهاجم يستحق اللعب بالزمالك .. فالمدافعين في جميع الفرق يسجلون أهداف أكثر منه ومع ذلك يظلوا مدافعين ) وبذل الجهد معه مثل النفخ في قربه مقطوعه .. منح الفرص يكون من خلال المباريات الوديه وليس المباريات الرسميه لأن وضع الفريق لا يحتمل فقد مزيد من النقاط - نصيحتي لك (من أهلاوي صميم ) أن تكون واقعي حتى لاتفشل في إثبات انك مدرب كبير أو تثبت العكس وتحقق نبوءة المتربصين.
عدد الردود 0
بواسطة:
محمد
اللاعب الوحيد اللى بيحب الزمالك!
معلش لصاحب التعليق هو بيحب نفسة اكتر من النادى الف مرة ونفسة يلعب فى كاس العالم ودة مش عيب ياترى ترشحة للمنتخب ! باسم انتهى زى حسام باولو مع الاعتذار !