خالد صلاح

حسام حسن: "الأهلى كسب بالحظ.. وخسرت واحد مش تلاتة زى الزمالك"

الجمعة، 12 يناير 2018 09:36 م
حسام حسن: "الأهلى كسب بالحظ.. وخسرت واحد مش تلاتة زى الزمالك" حسام حسن


الإمارات - رمضان حسن
إضافة تعليق

قال حسام حسن، المدير الفنى للفريق الأول لكرة القدم بالنادى المصرى، إن الحظ كان حليف الأهلى فى مباراته اليوم، بكأس السوبر.

 

وتابع المدير الفنى للمصرى، فى المؤتمر الصحفى عقب المباراة، أن أحمد مسعود أدى مباراة جيدة بمباراة اليوم، ولن نحمله خسارة المباراة، مشيرًا إلى أن فريقه كان الأحق بالفوز.

 

وأضاف العميد: "الزمالك خسر ثلاثة من الأهلى.. وفريقى على الأقل خسر من خطأ، بجانب وقوف الحظ بجانب الأهلى، وفريقى رجالة، ولن أحزن على تلك الخسارة".

 

يذكر أن الأهلى تُوّج بلقب كأس السوبر للمرة العاشرة فى تاريخه، بعد فوزه على فريق المصرى بهدف دون رد، فى المباراة التى أقيمت اليوم، الجمعة، على استاد هزاع بن زايد بمدينة العين بدولة الإمارات العربية المتحدة.


إضافة تعليق



التعليقات 10

عدد الردود 0

بواسطة:

samirfahmy

بلاش الزمالك

يا عم بلاش تخسر جمهور الزمالك اكتر من كدة وخليك فى نفسك وفى فريق المصرى 

عدد الردود 0

بواسطة:

السيد العشرى

تعليق على رد حسام حس

ياكابتن الزمالك خسر مباراة حضرتك خسرت بطولة وتوفر لك فيها لبن العصفور وكنت طوال الماتش مدافع ليس لك هجمه واحده فى بطولة وبعدين حضرتك مالك ومال الزمالك المباراة بينك  وبين الاهلى والحكم اماراتى الزمالك لعب مع الاهلى وظل طوال المباراة ضاغط عليه لولا خطأ الشناوى وضربة جزاء باسم اللى ضاعت بس خليكى فى نفسك والنبى انت واخوك                                                           

عدد الردود 0

بواسطة:

أبو العُريف

برهان جديد على فقدانك لأخلاق الفُرسان .

إيه أللي دخل الزمالك في الموضوع ؟وكفاك مغازلة لتدريب النادي الأهلي . . أنت سبب كاف لخلق التوتر والمشكلات والعصبية والفتنة لأي نادي تدربه .

عدد الردود 0

بواسطة:

Maha

خليك في حالك

مش عارفة ليه بيجيب سيرة الزمالك ع الفاضي والمليان متخليك في خبيتك و في أداء فريقك اللي في النازل

عدد الردود 0

بواسطة:

هشام النمر

مدرب فاشل

حسام حسن مدرب فاشل اخره انه يؤدي فقط لكن ياخد بطولات فدي كبيره عليه وبعدين ايه دخل الزمالك في مباراة اليوم وبعدين انت ضيعت الزمالك في اي بطوله لعبتها مع الزمالك انت مدرب مش بتاع بطولات ياحسام

عدد الردود 0

بواسطة:

حسن

عيبك انك لا تتقبل الهزيمة بروح رياضية

فريقك كان احق بالفوز بإمارة ايه؟ نسبة ال ٣٥٪‏ استحواذ ؟ و لا اللعب الدفاعي الصرف طوال المباراة حتي الدقيقة ١٠٢ حين تم احراز الهدف؟ اعترف بالحقيقة انت لعبت مباراة دفاعية بحتة بغية الوصول لضربات الترجيح. فكيف كان فريقك يستحق الفوز ؟؟؟؟؟؟

عدد الردود 0

بواسطة:

عادل

خسرت واحد او خسرت تلاتة .... الكل امام الاهلى خاسروووووووون

يا كابتن حسام حظ ايه اللى انت جاى تقول عليه .... ده انت من نص الشوك الاول متعرفش مين اللى واقف جون للاهلى لانك بتدافع دفاع المستميت والحظ وقف معاك فى فرص بالهبل للاهلى واشكر ربنا انها رسيت على واحد بس . ومتقارنش فريقك بالزمالك لان الزمالك خرج خارج نطاق الفرق الكبرى من سنوات والبركة فى ادارته الفذة وبالمناسبة 90% من حل مشكلة الزمالك سيكون عند تغيير هذه الادارة .

عدد الردود 0

بواسطة:

Ayman

ههههههه

ازاي فريقك كان اجدر بالفوز ..هاتلي كره واحده خظره على مرمى الاهلي .. الحقد عماك وعمى تفكيرك.. مفيش مدرب عاقل يقول اللي بتقوله ..تصريحاتك بعد كل مباراه بقت تضحك .. وماله الزمالك في اللي احنا فيه ولا هوه اي كلام وخلاص ...كعادتك دائما ... ياله يا مرتضى عليك بالاخ حسام .....

عدد الردود 0

بواسطة:

ايهاب احمد مصطفى

فيه ايه ياعم

طب حضرتك ياابو الكباتتن بتلاعب الاهلى ولعبت كويس لنفسك لعبت وحش لنفسك غلبت او اتغلبت دى حاجه تخصك .................. ايه اللى دخل الزمالك فى الموضوع شال تلاته شال تلاتين انت مدخله فى موضوعك ليه  الزمالك بيوجع اوى ياض ياموووورسى 

عدد الردود 0

بواسطة:

المصري

مدرب فاشل

من يعلق خسارتة على المقارنة بنتائج الاخرين فهو فاشل انت الان دربت اكثر من 6 فرق ام تأخذ بطولة ولن تأخذ لان داخلك كله غل وحقد على الجميع من قبل كنت تمح الزمالك وتحمل تشيرتة وعندما اعطاك الزمالك استمارة 6 حملت تشيرت الاهلى منتهى النفاق ولو اخر يوم فى حياتك لن تدرب الاهلى انسي ونحن جمهور الاهلي لن نسمح بذلك يعني مستواك فريق درجة تالتة وكتيييير عليك انسي جمهور الاهلي لايمني رؤيتك انت واخوك انتم احسن شغله لكم فتوات هل نسيت موقفك فى الاعتداء علي امين الشرطة ودخلت السجن واللى طلعك مرتصى منصور

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة