جوا منها حرب قايمه بس من برا سلام
كل صفاتها قايمه على الأدب والاحترام
فى عز وجعها تلاقيها جنبك بتعطيلك الاهتمام
لا بتشكى ولا بتبكى كل أفعالها تمام
واقفة فى ظهرك سندك ومخلياك فى الأمام
حلمها تشوفك أحسن منها وعليها تشهد الأيام
أول ما تشوف ضحكة منك تنسيها كل الألم
تنسى كل وجع جواها وتسرح معاك فى الأحلام
رسمت لحياتها حلم وعملت منه أفلام
فيلم كان اسمه سعادة وفيلم كان غرضه اهتمام
فيلم كان يوصف براءة وفيلم علامة استفهام
اختارت راجل أصيل عليه تتسند العظام
لا خافت من جوع فقره ولا قالت عليه كلام
كل غرضها يكون راجل عليه المقام
فياريت يا ابن الأكابر تكون للقلب رسام
مرة ترسملها ضحكة تسمع بيها أنغام
ومرة ترسملها أمل تمشى وراه الأقدام
ومرة ترسملها بكرة تعيش عشانه سنين وأيام
ساعتها بس نقول إنها اختارت راجل عليه المقام
جبل كان قد وعده ولا عمره غير الكلام
عطى الوعد وبعده حفر فى الجبال عشان يمشى معاها لقدام
أنا مش بتكلم على فارس خيال ولا شبح عايش فى الظلام
أنا بتكلم على راجل ولا كل الرجال كان للى فى سنه امام
ياخدوا أخلاقه قدوة حتى فى المنام
وعلى حبهم تشهد الأيام
الوعد للرجال ودلال للبنات نص الجمال
تم أضافة تعليقك سوف يظهر بعد المراجعة