يقدم "اليوم السابع" لقرائه كافة التفاصيل الخاصة بفرص العمل التى أعلنت عنها وزارة القوى العاملة بدولة الإمارات، وننشرالمؤهلات والتخصصات المطلوبة وفًقا لما يلى.
- المهن المطلوبة:
مهنة كاتب خدمة عملاء بشركة اتصالات بدولة الإمارات العربية المتحدة.
- الرواتب المقررة لفرص العمل:
يحصل العامل على راتب 4000 آلاف درهم شاملة بدل السكن والمواصلات وبدلات أخرى.
- الشروط والمؤهلات المطلوبة فى المتقدمين:
يشترط في المتقدم للعمل بمهنة كاتب خدمة عملاء ما يلى:
* الحصول علي مؤهل عالى.
* خبرة عامين في مجال المبيعات في إحدى شركات الاتصالات من الإناث والذكور.
* إجادة اللغة الإنجليزية بدرجة جيد جدا.
* السن لايزيد عن 32 سنة.
كيفية التقدم لفرص العمل:
تقدم الطلبات إلى الإدارة العامة للتشغيل والتمثيل "قسم تلبية الاحتياجات بالخارج"، بديوان عام وزارة القوى العاملة 3 شارع يوسف عباس - مدينة نصر- القاهرة.
- الأوراق المطلوبة للتقدم:
* السيرة الذاتية ومرفقا بها جواز سفر سارى لمدة عام.
* شهادة التخرج والخبرة.
* الحالة العسكرية للذكور.
* لن تقبل أى طلبات غير مستوفاة للشروط المذكورة.
- آخر موعد للتقدم لفرص العمل:
آخر موعد للتقدم لفرص العمل غدًا الخميس 24 أغسطس الجارى.
عدد الردود 0
بواسطة:
باسم صلاح
4000 ????
هم البعدا مش عارفين السكن وحده بكام في الامارات ده لو سكن مشترك هيبقى حاولي 1000 درهم ده بند واحد
عدد الردود 0
بواسطة:
وليد
راتب تكمل عليه
السرير في دبي في حجرة فيها 4 في شقة فيها 16 ب 2200 درهم غير الاكل قريب من مصر بس بالدرهم غير المواصلات يعني لو وفرت كأنك شغال في مصر بس زادت غربتك عليك
عدد الردود 0
بواسطة:
مهندس/ عادل عبدالله بأمريكا
الله يسامح ألمتسبب فى هذا ألخراب ألعربى
و الله ألعظيم دة حرام مؤهل عالى بإجمالى راتب ما يعادل 1008$ دولار فى ألشهر فى دولة غنية كالإمارات! هنا فى سان فرنسيسكو ألحد ألأدنى للأجور آى للفرد ألذى لا يقرأ و لا يكتب هو 15$ فى ألساعة و علاوة على ذلك يحصل على مساعدة من ألحكومة للمسكن و ألمأكل و ألعلاج. و الله ألعظيم أنا صعبان علية مصر. هاجرت منها فى عام ٧٦ و كان كيلو أللحم ألكندوز ب ٦٠ قرش فى ألقاهرة و كنا و مازلنا دائمين على زيارتها كل عام و لكن هذا ألعام فوجئنا بكيلو أللحمة ألبلدى أصبح ١٢٥ جنية. و الله كانت ثورة خراب و لنحمد الله على هبة لمصر برئيس مخلص مثل ألرئيس ألسيسى لأنقاذ ما تبقى منها!
عدد الردود 0
بواسطة:
كيمو
فنكوش
للأسف الراتب متدني للغاية ولن يفي بمتطلبات المعيشة حيث انه متضمن السكن والمواصلات ... مستوي المعيشة في دولة الامارات مرتفع للغاية ... رغيف الخبز بدرهم .. الرغيف الواحد ... لتر البنزين 2 درهم .... اقل مشوار تاكسي 5 كم يعمل 30 درهم ... فاتورة الكهرباء لشقة غرفة وصالة 1000 درهم شهريا ... ايجار الغرفة وصالة في دبي شهريا 5000 درهم علي الأقل بيعيش في الشقة 8 اشخاص وبيتانوبوا علي الاسرة لو الدخل متدني ... المفروض الوزارة يكون عندها إدارات تدرس وتعرف مستويات المعيشة في الدول المستقبلة للعمالة حتي تستطيع التفاوض ... لك الله يامصر
عدد الردود 0
بواسطة:
سيد
4 آﻵف درهم ﻻتكفي
ﻷن منهم سكن ومواصلات وخلافه واﻻسعار غاليه . لكن الغرقان يتعلق بقشايه .
عدد الردود 0
بواسطة:
mustafa
اى فتى
واحد يقولك ايجار السرير 2200 وواحد يقولك الغرفة وصالة 5000 طيب بالنسبة للاول مين قالك ان السرير فى شقة فيها 16 شخص 2200 انا فى دبى مفيش الكلام ده نهااااااائى واخوونا اللى بيقول الغرفة والصالة 5000 هو ليه شاب ياخد شقة مهو ممكن يأجر سرير وهيوفر والله .....فاذا عزمت فتوكل على الله وربنا يوفق الجميع
عدد الردود 0
بواسطة:
Kemooo
نظرة للمواطن
السيد المسؤل عن الهجرة والتعاملات بالخارج انت مش كفاية على المصريين انهم مطحونين فى بلدهم وعاوزين يتغربوا لتحسين معيشتهم ولا علشان يساعدوا الإمارات ٤الاف درهم مابياخدهمش هندى أو فلبيني عيب السكن غالى والاكل والشرب والمواصلات نار يستلف عليهم عشان يعيش ولا هو رائح يوفر قرشين يامن مستقبلة ويتجوز ويعيش عايلة عيب عليكم اختاروا للمواطن الغلبان حاجات كويسة واتقوا الله ٤الاف درهم بياخدهم طفل مصروف وهو رايح المدرسة
عدد الردود 0
بواسطة:
تامر
لكل الشباب .. نصيحة
هو فيه حداية بترمى كتاكيت ؟؟ -- او هو ممكن يجى الخير من اهل الفشل ---- نصيحة منى ابعدوا عن اى حاجة تيجى من ناحية الحكومة -- ونصيحة اهم " ماحدش يسافر دولة عربية والله العظيم مش هاعملوا فيها فلوس زى مانتم فاكرين -- هاتعيشوا يوميا كويس جدا جدا -- انما علشان تعمل فلوس انسى ---- انصح كل الشباب الى عنده القدره للسفر انه يتوجه الى الدول الاوروبية بالاخص الدول الشمالية بس بشرط مهم جدا جدا مكالش دعوة بالسياسة ولا الدين .. من الاخر اعتبر نفسك فى معسكر 5 سنين هاترجع بعدهم ملك
عدد الردود 0
بواسطة:
احمد مكي
النتيجه النهائيه ايه
لو سمحتم ايه اخبار النتيجه النهائيه للموضوع ده عملنا كل الاختبارات ومحدش رد علينا لحد ده الوقتي لو حد عنده معلومه يا ريت يقولنا وشكرا