جدتى جات يوم قالتلى
أما يا ابنى ايامكو سودة
الجواز أصبح خيالى
والعريس مش لاقى أوضة
والعروسة عاوزة
شبكة
والأهالى عاوزة مهر
يبقى يعنى
بسعر بكرة
أو مهية ألف شهر
يعنى طبعا
مش غريبة تبقى
بين المديونين
وأنت
قيمتك مش
ف شخصك
المهم أنت ابن مين
يعنى لازم
تبقى واحد م الجماعة
المكبوسين
بالمظاهر
والقيافة
مش تقولى موظفين
مهما كانت يوم
وظيفتك
المهم القرش
يا با
هيا يعنى البنت
لعبة وللا
كانت للغلابة؟؟
الجواز
مش لعبة يا ابنى
المهم تكون مريش
يعنى تبقى مالى
إيدك
مرة واحدة عشان
تكيش
اوعى يا ابنى
تكون مراوغ
أو تفكر يوم
تفاصل
الأهالى صحاب
مبادئ
بس يعنى
الشىء مراحل
ف البداية يقولوا
طبعا أنهم شاريينه
راجل
والفلوس مش كل
حاجة لما
يبقى القلب قابل
ثم لما الأمر
بيبدأ
تبتدى تلقى الكلام
يا ابنى احنا
فرحنا لازم
يبقى شىء قد المقام !!!
يعنى أحسن
من فلانة بنت
اختك يا ابتسام
وابتسام مش
حد تافه
واللى
باين دى المدام
دى جناب أم
العروسة
يعنى طبعا حد هام
والفرح
فى اوتيل يا سادة
يعنى برضوا خراب بيوت
والعريس
من كتر غيظة
يبقى نفسه يروح يموت
أما يا ابنى
الشقة طبعا ديا زوقك
وأنت حر
بس طبعا تبقى برحة
يعنى حتما شىء يسر
والأوض طبعا هتبدأ
من تلاتة وانتا طالع
أربعة أو خمسة ماشى
بس تبقى كبيرة...سامع
بنتنا ف اللبس شيك
بنتنا ف اللبس موضة
يعنى يبقى اللبس ماركة
مش خياطة عم حودة
عم حودة حد طيب
ترزى يعنى وإيده حلوة
بس ليه انا بحكى عنه
اسمعوا دا أنا عندى بلوة
المهم
يتم قولهم والجواز
يصبح حقيقة
والحياة بتعدى بينا
يمكن أسرع م الدقيقة
نلقى طبعا
حاجة تانية
واللى عدى طيش وخيبة
الجواز يا خوانا
سنة يعنى حاجة
وليها هيبة
الجواز لو
صفقة طبعا
الحياة هتكون كئيبة
الحياة هتكون
حزينة
من شبابنا
لحد شيبة
بالمشاكل واللى
حاصل
تبقى طبعا 100 ندامة
جدتى قالت كلامها
بس طبعا ساب علامة
والكلام مش بس
ليا فى الحياة مليون اسامة
نفسوا يرجع يوم جوازنا
زى اصلة وزى ما كان
نفسو يرجع فرحة حلوة
زى جواز أيام زمان
الفلوس مش كل حاجة
والأهالى بس تفهم
والعريس مش بنك طبعا
او مؤكد يبقى منجم
العريس إنسان وحقه
الاهالى ليه تقدر
والمهور والشبكة
تبقى قد حاله
وزى م يقدر
ف النهاية انا نفسى
طبعا الاهالى يفوقوا
اكتر
يبقوا أسهل ف المطالب
مش ضرورى العبء يكبر
يبقوا اسهل ف المطالب
مش ضرورى العبء يكبر
عدد الردود 0
بواسطة:
نورهان
جزاز في الأحلام
الله غليك
عدد الردود 0
بواسطة:
marwan
استمر
الله ينور والله مبدع استمر ...
عدد الردود 0
بواسطة:
اسامة ايمن اسعد
القصيدة دى كتبتها الساعة واحدة بالليل
الامر مش كلام و خلاص الامر فكرة جاتنى و اول م جاتنى كتبت القصيدة و انا بأشكر اليوم السابع على الاهتمام و نشر اعمالى