عبر النجم حسن الرداد عن غضبه الشديد بعد توجيه اتهام عار تمامًا من الصحة لصديقه النجم عمرو يوسف وزوجته الفنان كندة علوش، بعد نشر شائعات خبرًا حول ضبطهما فى أحد الكمائن وبحوزتهما مواد مخدرة.
وكتب الرداد عبر حسابه بموقع تبادل الصور "إنستجرام": "عايز أشكر الصحفيين المحترمين اللى بيراعوا ضميرهم و بيحترموا شرف مهنتهم ولم يتناولوا الخبر الكاذب الملفق اللى تداولته بعض المواقع عن الزميل و الأخ و الصاحب و النجم عمرو يوسف و زوجته، طبعا الخبر اتنفى و كل حاجة، لكن هو بقى أى حد عايز يكتب أى حاجة يكتبها لمجرد أنه شغال فى جريدة أو موقع إلكترونى".
وتابع :" هل الفنان مباح إنه يتلفق له أى خبر لمجرد إنه مشهور عشان الجريدة أو الموقع يعمل (فرقعة صحفية)..عمرو يوسف من أنقى و أطيب وأكثر الناس احتراما وأخلاقا هو و زوجته العزيزة".
وأضاف :"مش بقول الكلام ده عشان صاحبى، لكن الموضوع أكبر من مجرد خبر خايب نزل عن عمرو، كدة بقى أى حد عايز يكتب عن أى فنان أى تهمة يكتب براحته، ويحاول يشوه سمعته على مزاجه، عشان كدة لازم محاسبة كاتب هذا الخبر حتى يكون عبرة لغيره، لانه فى البداية يسئ إلى الصحفيين المحترمين الشرفاء اللى بنحترمهم جدا قبل أن يسئ للفنان المنسوب إليه الخبر، وعايز أقول للمحترم الخلوق عمرو يوسف، معلش ضريبة الشهرة يا صاحبى".
حسن الرداد
