إيه أقول وكيف أحكى
على اللى حصل قلبى بيبكى
مش عارفة إيه أعمل
ولمين أشكى
قطعت قلبى
واحدة بتقول ضنايا
كنت مستنياه
جاى يتغدى معايا
معقوله ياناس
حلم العمر يرجع لى
متغطى بملاية
ومين يا ناس
عليه اتسند
ما راح السند
والولد
وأطفال تقول بابا وماما
واللى يقول أختى
وأخويا أسامة
واللى تقول راجلى
واللى يقول أم العيال
بقوا يتامى
لإمتى ياناس
هنفضل رخاص
ويبقى عادى أرواح تنداس
هو ذنبى يا ناس
إنى قدرت التراب
إنى فى حبك
أشوف العذاب
ودمى يسيل على التراب
ترابك يا بلدى أرويه بدمى
لو حد قرب منك
من غير مفكر وأنا مستغمى
لكن أنت يا ابن أمى
إزاى تكون السبب
فى سفك دمى
وإزاى تقابل ربنا
يوم الحساب
وفى رقبتك أرواح أطفال
....شيوخ ....شباب
رايحة تسعى فى الدنيا
تاخد بالأسباب
علشان تعيش
قولى ساعتها
إيش تقول
واللى إيه شعورك
لما شفت زىّ
دا منظر مهول
ياربى رحمتك
على اللى راحو
وعلى اللى لسه
خايف يروح
زى اللى راحو
تم أضافة تعليقك سوف يظهر بعد المراجعة