بحب ناسى
وأهل بلدى الطيبين
فى وسطهم
عشت أجمل السنين
وبين أحضانهم
عرفت معنى الحنين
بقربى منهم
يطيب قلبى من الأنين
بحب بلدي
وبعشق بساطة الفلاحين
بالذوق والكرم
فى كل مكان معروفين
والطيبة والأصل
صفات جواهم مزروعين
وقت الشدة
تلاقيهم مع بعض متجمعين
ما أحلا الحياة
بين الجناين والبساتين
ورؤية الناس
بعد الشغل مروحين
وعلى القهاوي
بعد العصر متعودين
حياة بسيطة
من غير أوامر أو روتين
حبيت بلدى
من صغرى وناسها الغاليين
ولا أجمل منها
فى الدنيا هاتشوف العين
ناسها غلابة
بالود ديماً مليانين
بحب فيها
طبع ناسها المخلصين
اسم بلدى
محفور فى قلبى وعلى الجبين
بكون سعيد
لما بشوفهم فرحانين
وهفضل أحبهم
مهما بعدتنا السنين
ورغم البعد
حبى ليهم يخليهم قريبين
تم أضافة تعليقك سوف يظهر بعد المراجعة