اصطحب زوجته وابنتيه الصغيرتين "كرمة صاحبة العامين، وحبيبة بنت التسع سنوات" لقضاء إجازة صغيرة على شاطئ البحر، ولم يتوقع أن نهايته ستكتب مع زوجته فى لحظة واحدة داخل جوف البحر، أمام أعين الطفلتين الصغيرة اللتين شاهدتا المياه تبتلع والديهما دون رحمة، وتجبرهما على العودة بدونهما ليكملا حياتهما وحيدتين، وسط صرخات الجدة التى وقفت محتضنة الأطفال تشاهد لحظات الغرق ولا تتمكن من تحريك ساكن.
ويحكى محمد جمال، شقيق المتوفى أحداث الواقعة الأليمة لـ"اليوم السابع"، قائلًا: "إن شقيقه الدكتور كريم جمال وزوجته الدكتورة شرين طه ذهبا إلى قرية بالم بيتش الساحل الشمالى بهدف قضاء إجازتهما، وعند نزول البحر فى الثالثة والنصف عصر أمس السبت، لم يتم منعه أو تحذيره على الإطلاق من قبل المسئولين عن إدارة الشاطئ، الذين لم يرفعوا أيضًا الراية السوداء أمام المصطافين، فى ظل ارتفاع الأمواج بشكل كبير فى ذلك الوقت.
الدكتور كريم وزوجته
وأضاف شقيق المتوفى أن معظم القرى السياحية بالساحل الشمالى منعت أى شخص من النزول للمياه بسبب الأمواج العالية، فى الوقت الذى قرر شقيقه وزوجته نزول البحر، مشيرا إلى أن والدته كانت على الشاطئ وقت حدوث الواقعة الأليمة برفقة الطفلتين، وعندما شعرت بالخطر الذى رأته أمام عينها أخذت تصرخ بصوت عالٍ، من أجل إغاثتهما من قبل الغطاسين التابعين لقرية بالم بيتش، ولكن لم يستطع أحد إنقاذهما لنقص الخبرة.
صورة اخرى للضحايا
وأوضح أن شخصين من رواد الشاطئ حاولا النزول للمياه لإنقاذ شقيقه وزوجته من الغرق، ولكن فشلا وكانا على وشك الغرق، وأصيبا وذهب أحدهما للمستشفى لتلقى العلاج، أما الآخر فتم عمل إسعافات أولية له على الشاطئ، وتابع قائلًا: "أما بالنسبة للسادة اللى المفروض يحافظوا على أرواح الناس كانوا عديمى الخبرة، واكتشفت ذلك فى تحقيقات النيابة والشرطة، حيث إنهم حديثى التعيين وتم تعينهم من أسبوعين فقط بالقرية".
السعادة على وجوه الزوجين
وأكد أن القرية لا يوجد بها أى أدوات إنقاذ على الإطلاق، مضيفا: "مفيش لا عوامة ولا حبل ولا لايف جاكت ولا قارب صغير، وطلبوا من والدتى اللى على الشاطئ حبل، وواحد قالها معاكى حبل يا حاجة، وذهبوا إلى القرية المجاورة، لإحضار أدوات إنقاذ وهى تبعد عن مكان الحادثة فى حدود 5 كيلومتر".
الزوجان الضحايا
وأشار إلى أن الغطاسين التابعين للقرية اعترفوا بعدم وجود أدوات إنقاذ بالقرية فى تحقيقات النيابة، وأنهم طلبوا من إدارة القرية بضرورة توافر تلك المعدات أكثر من مرة، لكن لم تتم الاستجابة لهما على الإطلاق، فى حين أنكر مدير القرية ذلك تماما خلال التحقيقات التى جرت معه، بعد تحرير محضر رسمى بالواقعة بقسم شرطة الحمام.
العزاء
وكشف شقيق المتوفى عن أن قوات حرس الحدود بالمنطقة، ساعدت فى عملية استخراج جثتى شقيقه وزوجته بعد الاستعانة بها، مطالبا بضرورة محاسبة المقصرين والمتسببين فى غرق شقيقه وزوجته بالقرية، كذلك حتى لا تسقط ضحايا أخرى بسبب الإهمال والتسيب.
عدد الردود 0
بواسطة:
هشام
المفروض نعرف اسم القرية
عشان تبقى عبرة ولما تقفل يبقى كل القرى السياحية تعل احتياطها لأن حياة الناس مش لعبة مش المهم الارباح والمكاسب وخلاص
عدد الردود 0
بواسطة:
منى-لندن
بالشمع الأحمر
مش لاقيه كلام أكتبو عن الكارثة ده... صورهم وجعتلي قلبي... تفكيري بالوالدة والطفلتين هما وبيشوفوهن بيغرقوا منظر بعيد عن الخيال... الإستهتار بحياة الناس والله حرام... الناس رايحة تغير جو بعد تعب الشغل ذنبها إيه عشان ما ترجعش تاني وأطفالهم ينحرموا منهن كده بلحظة،،، عشان لأن ما فيش معدات، ولا رجال إنقاذ، ولا شجاعة اي حد لإنقاذهم فالحالات يلي زي ده!!! لازم الأماكن ده يكون عليها رقابة شديدة عشان سواحل البحر خطيرة، ودايماً في أطفال بيلعبوا عالشاطئ... لازم القرية ده يلي إسمها (بالم بيتش) تتقفل حالاً بالشمع الأحمر لغاية ما يلاقوا أجوبة لأهل المتوفيين عن الإستهتار يلي حصل... وبنصح الناس كلها يلي عاوزة تروح مصيف يتأكدوا ويسألوا من المكان يلي رايحينو وقبل ما ينزلوا البحر يتأكدوا إنو رجال الإنقاذ والمعدات موجودين هناك... ألف رحمة تنزل عليهم والله يصبر أهاليهم...
عدد الردود 0
بواسطة:
محمد
الي صاحب التعليق رقم 1
القريه حضرتك اسمها بالم بييش مذكوره في الخبر انا مستغرب القريه دي مستواها عالي ونضيفه ولكن للاسف حياه الناس مش مهمه بالنسبه للاداره اهم حاجه المكاسب بس الصراحه دي مش غلطه الاداره القريه كلها ملاك الاداره هيه اللي بتنفذ القرارات بتاعه اجتماع الملاك السنوي والاداره ما هيه الا بتنفذ نتيجه الاجتماعات دي اللهم اذا لا كان في اتحاد ملاك والدنيا ماشيه سداح مداح
عدد الردود 0
بواسطة:
ممدوح
لا يعني حذر من قدر .
يعني الناس اللي بتلوم القرية و عدم وجود منقذين و لا ادوات انقاذ يعني لو كل ده موجود كان حيطول في عمرهم لحظة ؟؟؟ و لماذا لم يلم احد المتوفين. كانت الامواج عالية و برضه اصروا علي النزول للبحر بدون اي احتياطات. دكتور و دكتورة يعني ناس متعلمين و مثقفين . بس حنقول ايه اعمار. نحسبهم شهداء فالغريق درجة من الشهداء.
عدد الردود 0
بواسطة:
د. أكرم شلبي
لازم نتكلم عن الساحل الشمالي
ربنا يرحمهم يا رب رحمة واسعة و يعوض أولادهم.. حادث يوجع القلب.. موضوع الساحل الشمالي في حاجات كتير غلط بالكوم.. أولا الطريق الساحلي الذي يتم تطويره أصبح طريق كارثي بكل المقاييس لأن الحوادث بقت عليه كتير من أول أيام العيد... يعني انا عايز اعرف الناس بتدفع ضرائب و تتقبل رفع الأسعار الغير مبرر و تدفع فلوس في طرق عشان تحولها للأسوء.. بأي منطق الناس تموت فطيس... أما حوادث الفرق فلا يوجد منقذين في معظم قرى الساحل الشمالي و المفترض أن تقوم الدولة بحماية مصطافيها سواء في قرى خاصة أو شواطئ عامة... لسبب بسيط انه يوجد اتحاد يسمى الاتحاد المصري الغوص و الإنقاذ و يقوم بتعليم الآلاف فلماذا لا يتم إجبار القرى بالكامل بتعيين منقذين و إذا كان البحر عالي يتم وضع لافتات بتحذير الناس بصورة واضحة.. ربنا يرحمهم يا رب برحمته.. أرجو النشر
عدد الردود 0
بواسطة:
مصرى
قرية بالم بيتش الساحل الشمالى
قرية بالم بيتش الساحل الشمالى
عدد الردود 0
بواسطة:
aa
هى دي الحقيقة
مصر كلها تسير وراء الدعاء الشهير وهو ربنا يستر بس كدة ونقعد نتفرج إنما ناخد احتياطتنا ونستعد لأى خطر أو ببساطة نشتغل فهو شعار ملوش وجود ورحم الله موتانا
عدد الردود 0
بواسطة:
ابو محمد
الي الاخ ممدوح رقم 4
يا اخ ممدوح يعنى ممكن واحد يقتل واحد ويقول قدره؟ لا طبعا الخاطئ يعاقب ودا مذكور في القران حتى لو كان قتل خطا او شبه خطأ وراجع معنى هذين النوعين من القتل وعقوبيتهم. وبعدين المتوفيين ممكن يكونوا ما يعرفوش خطورة الموج العالي ودى مسئولية القرية انها تحذرهم ولا هم بياخدو فلوس وبس
عدد الردود 0
بواسطة:
عبدالله
اخو الغريق بيتاجر بدمو
ساعة الأجل محدش يقدر يوقفها بمعنى أن لو ألف منقذ معاه محدش يقدر يعلمهم حاجه ده قدر. ووالده الدكتور قالت قبل كده ان المنقذين عملوا اللي عليهم سبحان الكلام اتغير في لحظه وبتططلب بتعويض
عدد الردود 0
بواسطة:
خالد
غباء لا اكثر
للأسف الشديد ما حدث نتيجة الغباء وعدم اعمال العقل انا لا اعرف كيفية السباحة..او اني اعرف بنسبة قليلة لست متمكن منها ما الداعي لنزولي للماء؟! هل لذا لم ينزلوا للسباحة كانوا هيموتوا؟؟ ليه بنصمم نغلط ونتغابي ومنستخدمش عقلنا اطلاقا ليه بيحصل ده خبر تاني بيقول غرق 3 فتيات في نيل الاقصر!! 3 بنات اعمارهن 8 10 15 سنة علي التوالي والخبر بيقول انهم مكانوش بيعرفوا اصلا يعوموا!! خبر كمان بيقول غرق طالب من اوائل الثانوية العامة في الاسكندرية!! طب يا ابني لما انت متعرفش تعوم بتنزل البحر ليه؟ هو لو منزلتش البحر هيحصلك حاجة؟ ايه التخلف والقرف ده الناس حصلها ايه؟ هل ذهب العقل من الجميع؟ هل لو انا مروحتش صيفت ونزلت البحر ابقي غبي او جاهل او متخلفايه اللي هستفيده لو منزلتش المية؟ ارجو ان الكل يجاوب علي اسئلتي بشوية عقل ومنطق