اللى بيحب بيسامح.. كتير أوى بنقول الكلمة دى لما نغلط فى حق حد بنحبه وغالى علينا
أيا كان هو مين حبيب صاحب أخت أخ قريب أى حد بنحبه وعايزين نحافظ عليه بس.
للأسف دلوقتى أصحبت مجرد كلمة علشان التعاطف ونسامح بيها وخلاص، لكن بجد قيمتها إيه جوانا ويعنى إيه نسامح علشان بنحب. يعنى نيجى على كرامتنا لما تتهان أو نفضل نسامح على نفس الغلط أو يبقى مفيش تقدير ،ونسامح علشان مجرد بنحب اكيد لا طبعا
اللى بيحب فعلا بيسامح، وبيسامح كل مرة كمان علشان بيحب بجد وعايز يحافظ على العلاقة دى، بيسامح على الغلط اللى ينفع يتسامح عليه حتى لو كبير فى حدود السماح مع الحفاظ على كرامتك .
أنت ممكن تتنازل لشخص عن كرامتك فعلا فى حالة واحدة بس لو هو فعلا هيكون قد ثقة أنه يحافظ على كرامتك مهما حصل، لأنها من كرامته اللى بيحب بيسامح من غير ما يطلب منه السماح، لأن باخله حب حقيقى بجد بيغطى على أى كره أو أى زعل بيديك مليون عذر للخطأ علشان يسامحك عليه.
"اللى بيحب ده دايما تلاقيه مش شايل هم ولا بيزعل كتير، تلاقيه دايما مبتسم للشخص اللى بيحبه لأنه وجوده بس بيفرحه، علشان كده بيسامحه مش ضعف منه لا دى قوة الحب قوة الحفاظ على العلاقة".
اللى بيحب فعلا بيسامح بس فى حدود السماح بس لما بينجرح ويتهان مبيقدرش يسامح تانى مهما حصل، ممكن يتكلم عادى لكن إنه يرجع تانى زى مكان مستحيل
دايما حافظ على الشخص اللى دايما بيسامحك ويعذرك لأنه اكيد بيحبك بجد وعايز يحافظ عليك، وأنت دايما سامح وادى مليون عذر علشان تحافظ على العلاقات وحافظ على كرامتك دايما
اللى بيحب بجد بيسامح دايما من قلبه.
تم أضافة تعليقك سوف يظهر بعد المراجعة