دعم النجم أحمد حلمى حملة منظمة اليونسيف الشهر الحالى للاحتفال بيوم عيد الأب، مطالبا جماهيره بالمشاركة فى الحملة بنشر صورهم مع أبنائهم أو والدهم، مصحوبة بموقف أثر بهم، عبر هاشتاج "السنين الأولى بتفرق".
وبدأ حلمى بنفسه ونشر صورته مع ابنته الصغرى، عبر حسابه بموقع تبادل الصور "انستجرام"، مصحوبة برسالة لوالده وأبنائه يقول بها :"لما كنت طفل كان كل حاجه في حياتي. جبل كبير ضخم كله قوه ، وعلى قد قوته كانت حنيته. عمري ما انسي كف أيده الدافئ وهو حاضن إيديا الصغيره. نينني عيننه اللي بيضحك لما بيبص في وشي. كنت بحس بالامان لانه مركز معايا وواخد باله مني. لا شغل شاغله عني ولا اهتمام كان ناقصني. حفظني طريق مدرستي زي ماحفظني امشي في اول خطوتي من الكنبه للترابيزه وهو بيشجعني ومحاوطني بدرعاته. انه أبي. انه أبويا. انه والدي. انه بابا".
وتابع :"اللي زرعه ابويا من اهتمام وتواصل فرق معايا كتير . او بمعني ادق خلاني اب اعرف اتعامل مع أطفالي . شكرا يا ابي شكر دائم ومستمر مدي الحياه. شكر اتمني اني استحقه وأسمعه من ابني وبنتي لما يكبروا فأشكرك شكر تاني ".
واختتم رسالته قائلا :"شكرا لكل اب بمناسبة عيد الأب .. وطبعا طبعا طبعا شكرا لكل ست لانها هي اللي ولدت وربت كل طفله بقت ام وكل طفل بقي اب".
احمد حلمى
تم أضافة تعليقك سوف يظهر بعد المراجعة