بدأ الزوج" مصطفى صابر" موظف شركة تأمين بالجيزة، حديثه فى دعوى نشوز ضد زوجته أمام محكمة الأسرة بإمبابة، قائلا: "طول عمرنا مظلومين وبنطلع غلطانين فى الآخر والست تقول عايزة مائة حاجة ملهاش لازمة، عشان كدا معظم الرجالة بتحاول توفر عشان محدش ضامن الظروف ممكن نتخلع أو نتحبس فى أى لحظة لو قولنا مش معانا فلوس ليهم".
وتابع الزوج: طوال 5 سنوات كنت إذا لم ألبى لزوجتى طلباتها تقوم بتعنيفى وفضحى، فكنت أوفر المال حتى أتى لها بما تريده إذا طلبت شيئ، ولكنها لم تقدر، حتى فاض بى الكيل وتركت لها المنزل.
وأضاف مصطفى: الحقوق "الاوفر" -على حد قوله- هى السبب فى خراب منزلى " ودفعت زوجتى لحرمانى من أولادى غصب عنى وبطلع عينى عشان أشوفهم وكل يوم قضايا عشان تكسر عينى وتذلنى ولما أتكلم تبهدلنى فى الأقسام، وهناك يطلعوا عينى وأنام فى الحبس ويقولى بتفترى على واحدة ست".
وصرح الزوج المعنف قائلا:"مراتى خلتنى على الحديده مفلس وبقضيها سلف عشان أدفع للمحامين وأهرب من أحكام الحبس وجبروتها".
تم أضافة تعليقك سوف يظهر بعد المراجعة