طالب النائب البدرى أحمد ضيف، بالإفراج الصحى عن كل سجين يعانى من أمراض مزمنة، يتراوح عمره من 60 إلى 80 سنة أو أكثر، شرط ألا يكونوا محبوسين فى قضايا إرهاب أو جنايات.
وقال "ضيف" فى تصريحاتٍ لـ"اليوم السابع"، إنه تقدم بمقترح فى هذا الصدد للجنة الاقتراحات والشكاوى بمجلس النواب، يطلب فيه الإفراج الصحى عن كل سجين قضى ثلثى المدة، وبلغ عمره الـ60 سنة، وليس محبوس فى قضايا إرهاب أو جنايات، بالإضافة إلى تمتعه خلال تلك المدة بحسن السير والسلوك.
وأوضح النائب أن العديد من السجون المصرية أصبحت مكتظة، وخاصة فى محافظة أسيوط، إلى جانب أن المسجون الواحد يكلف الدولة 50 جنيهًا يوميا، ولهذا كان لزامًا البحث عن حلول للتغلب على هذه المشكلة، بما يضمن الحفاظ على أمن وسلامة المجتمع وعدم انتهاك القانون.
عدد الردود 0
بواسطة:
حافظ الجبالي
وشهد شاهد من اهلها
لما حضرتك بتقول المسجون بيكلف الدوله 50 جنيه في اليوم يعني في الشهر ب 1500 جنيه في الشهر . حلو وجميل وتمام جدا. طب ازاي واحد طلع علي المعاش بعد 40 سنه خدمه في الدوله بعد مرار وعذاب وهم وغم وحرقه دم ياخد 1000 جنيه ومعاه زوجته ويمكن عيل او اثنين او ثلاثه يعني محلصشي مسجون يانهار ازرق ومنيل بنيله يبقي احسن للموظف اللي حيلاقي نفسه حياخد معاش 1000 جنيه بلاش ياخدهم ويطلب يتسجن او ومراته وعياله اهو حياكل ويشرب ويلبس ويتعالج هو واسرته ببلاش يبقي كده حيكلف الدوله 50×4=2000 جنيه يبقي هو الكسبان واكيد مش حيقف في طابور وﻻ حيدور علي زيت او بيض ومش حيحمل هم اللحمه او الفراخ . ايه رايكم انا رأيي لو صاحب المعاش ﻻقي ان معاشه اقل من 2000 جنيه يقدم طلب ويروح السجن هو ومراته ووﻻده علشان مايحملش هم المصاريف وكمان حيريح دماغه من انه يتشتري صابو سايل او مسحوق غسيل وﻻ دفع كهرباء او مياه وﻻ فلوس الزبال وﻻ طبعا حيركب مواصلات خالص يعني حيروح فين ياكبدي واكيد لما يموت عو او حد من اسرته حيلاقي اللي يتكفل بغسله ودفنه يعني بالعربي حاجه فللي خالص . ولما يحب يخرج يتفسح هنا يدفع من جيبه بس مفيش في جيبه فلوس ياولداه . اقولكم يلاش خروج بلا دوشه وزحمه وزمامير وكلاكسات وهيصه وزمبليطه علي ايه خليه في السجن كفايه كده علشان مرارتي لسه سليمه وانا خايف تتفقع . انا حكلم زوج اختي علي الفكره ﻻنه قبل المعاش كان مرتبه ماشاء الله فوق الكام باكو ﻻنه كان كيميائي في احد مصانع اﻻدويه وفجأه لقي نفسه بياخد 1200 جنيه طبعا كارثه ويمكن يعجبه العرض ده بتاع السجن . معلش انا حاسس اني بهلوس وبدأت اخرف من ساعه موضوع ال 50 جتيه للمسجون في اليوم . كل سنه وانتم طيبون .