قال النائب محمد السويدى، عضو مجلس النواب ورئيس ائتلاف دعم مصر، "النهارده من أصعب أيام المجلس منذ بدايته، كالعادة نتعامل مع ملف لم يحسم من قبل، ملفات كانت متروكة للأجيال القادمة اللى إحنا موجودين فيها، ملف حسم فى القرار الجمهورى رقم 27 لسنة 1990، وما أراه مما يتم من الحملة الخارجية، وتعرض النواب لتهديدات وإهانات عشان عايزين يقوموا بالعدل وياخدوا قرارات مصيرية تمس الأمن الوطنى، دى حرب اقتصادية منظمة".
وأضاف زعيم الأغلبية البرلمانية، فى حديثه خلال الجلسة العامة لمجلس النواب، المنعقدة الآن لمناقشة اتفاقية تعيين الحدود البحرية بين مصر والمملكة العربية السعودية، قائلا: "هناك اتفاق مصرى مع قبرص لترسيم الحدود البحرية، استفادت منه مصر اقتصاديا، وتم اكتشاف حقل غاز، ليه مش عايزين مصر تتقدم وتطور للأمام، وهناك دول لها مصلحة فيما تتعرض له مصر".
وتابع "السويدى" كلمته، بالقول: "نعلم أن موافقتنا على الاتفاقية ستكلفنا الكثير، وأننا نناقش قرارا نعتبر أن الحكومة فشلت تماما فى عرضه، ونتحمل فشل الحكومة فى عرضه"، وعقب الدكتور على عبد العال، رئيس المجلس، مع تداخل بعض النواب ومقاطعتهم أثناء كلمة "السويدى"، قائلا: "النائب يعتقد أن سنة 1990 فيه قرار جمهورى صدر متوافق مع الاتفاقية".
واستكمل "السويدى" كلمته: "لو سمحت حضرتك يا ريس والسادة النواب، أنا لست قاصرا عن أوضح ما أقصده، محدش يرد من النواب بالنيابة عنى، نحن نعانى من طريقة عرض الحكومة من ساعة ما قدمت الملف، والموضوع تم حسمه من 1990، ونحن لم نسرق حق أحد ولا نخالف الاتفاقيات، فالبعض يقول إن مصر خالفت اتفاقية السلام وغيره، ونحن لا نسير وراء الأهواء، ونحترم كل التعاهدات".
واختتم زعيم الأغلبية كلمته خلال جلسة البرلمان، قائلا: "من يدافع عن هذه الاتفاقية القوات المسلحة، وإذا رأت أى ضرر أو أنها ضد مصلحة مصر ما كانتش هتسكت، فهناك احترام للعهود وإرجاع الحق والحفاظ على حدودنا سليمة، ونقدر نشتغل فيها اقتصاديا، ده اللى اتكتب على المجلس ودى قرارات جريئة بياخدها، هناك حملة منظمة بادعاءات كثيرة كاذبة، استأذنك، اللجنة القومية لتعيين الحدود البحرية التى اعترضت لازم تطلع تعرض للناس القرار لتعرف الصح من الخطأ، إحنا اتكتب علينا نواجه، ونقف بجانب الدولة، وبقول الدولة مش الحكومة، ونثق تماما فى قرارات القوات المسلحة، وهذه قرارات صعبة، وعارف إننا سنعانى شعبيا، وبناء عليه موافق على الاتفاقية".
عدد الردود 0
بواسطة:
المصري
الشعب مع الدولة ومع قيادته الوطنية
في اتفاقية تعيين الحدود .. ربنا يحفظ مصر ودايما من نصر لنصر #تحيا_مصر
عدد الردود 0
بواسطة:
اسلام
طيب وانت خايف ليه
الحق حق واللي مش عاجبه يعمل اللي في وسعه والجزيرتين سعودية
عدد الردود 0
بواسطة:
مصرى عربى اصيل
مصرررررررررررررررررررر
صدق رئيس الاغلبيه فيما قاله ومصر الان ومنذ 30/6 تتحرك فى المسكوت عنه منذ عقود طويله تصل الى 50 سنه وفى كل شىء فى السياسه والاقتصاد والتعليم والصحه والدعم والاستيلاء على اراضى الدوله وفساد المحليات والبلطجه مصر كانت كالمريض والمتبقى منه الهيكل العظمى ويتم تغذيته بالحاليل مصر الان تنهض وتثبت اقدام الدوله كل يوم النظام الحالى يقتحم مغاره من المغارات المسكوت عنها ونرجو من الرئيس ان يقتحم توريث الوظائف سواء كانت فى القضاء او الجامعات او الشرطه او الهيئات الهامه ونحن وراء الرئيس لينهض بمصر وبالعرب جميعا
عدد الردود 0
بواسطة:
عبدالله
هو حد قالك أن اللي قاعدين على الفيس
هم دول الرأي العام
عدد الردود 0
بواسطة:
سلامة في خير
القرار بقانون سنه 90 هو عنوان الحقيقة
اقرة في جريدة رسميه ومسجل في الامم المتحدة وماحدش ساعتها لا اهتم ولا اعترض لا حمضين ولا خالود ولا الخرفان طيب المقصود تقرفوا الشعب يعني ماخلصت ياجماعة آسفين ياريس القانون لازم يحترم يرجعلهم حقهم واحنا ناخد حقنا ولا فيه ناس عاوزة تطبق اللي بتعملوا في حياتها يكون سلوك دولة ؟
عدد الردود 0
بواسطة:
الأسكندراني
((( الله )))
((إن الله يرث الأرض ومن عليها))
عدد الردود 0
بواسطة:
حفنى
اللى مالوش كبير بيشتريله كبير
احنا لينا كبير وكبير قوى وتاريخه عظيم ونظيف وواعى وحريص على الارض والعرض ،واحنا وراه وبنثق فيه وفى رجاله ، واللى مش عاجبه يفارقنا .
عدد الردود 0
بواسطة:
طرازان
جم غلط !!!
احنا نثق في ريسنا و نثق في قواتنا المساحه ... احنا لا نثق في هاي شله ٣٠/٢٥ ... وحذار الشعب حينزل لكم و يمنع دخولكم مجلس الشعب يا خونه ... قبضين كام