أدلت المتهمة بذبح زوجها داخل منزلهما بمدينة شبين القناطر باعترافات تفصيلية حول ارتكابها للجريمة أمام المقدم أحمد فاروق رئيس مباحث المركز.
وقالت المتهمة وتدعى "ن.ع" – 21 سنة - فى اعترافاتها تزوجت منذ 4 شهور، ولم أكن أتوقع أن زوجى سيعاملنى معاملة سيئة، فقد كان يعتدى على بالضرب يوميا، وأصبحت حياتنا جحيم ولم تشفع عنده معاملتى الحسنة له واستمر فى تعذيبى وضربى ضرب مبرح وعلى أتفه الأسباب.
وأضافت المتهمة فى اعترافاتها أمام المباحث عاد زوجى يوم الواقعة من عمله وتناول طعامه وحدثت بيننا مشادة كلامية وبعدها ظل يعتدى على بالضرب ولم يرحم توسلاتى له بأن يتركنى وبعدها دخل إلى حجرته حتى ينام وجلست أنا أبكى من ألمى.
وتابعت المتهمة: "فكرت أن أتخلص من زوجى إلى الأبد عشان استريح من عذابى معاه ودخلت إلى المطبخ وأخذت السكين وطعنته عدة طعنات فى رقبته وفى أنحاء متفرقة من جسده وعندما وجدته جثة هامدة والدماء أغرقت سريره والحجرة كلها، شعرت بالخوف وخرجت أصرخ فى الشارع واعترفت بجريمتى فور حضور رجال المباحث".
وكان اللواء أنور سعيد مدير أمن القليوبية تلقى إخطارا من مأمور مركز شبين القناطر بالواقعة، فانتقل العقيد عبد الله جلال رئيس فرع البحث الجنائى، والمقدم أحمد فاروق رئيس مباحث المركز، وتبين أن المجنى عليه يدعى " م ح" 26 سنة، عامل دوكو سيارات، وأنه متزوج منذ 4 شهور، ومنذ أن تزوج وهو فى شجار بصفة مستمرة مع زوجته، وأنه دائم التعدى عليها بالضرب، وفى يوم الحادث عاد من عمله وبعد أن تناول طعام الغداء ضربها ضربا مبرحا، وعقب دخوله للنوم تسللت إلى المطبخ واستلت سكينا، وانهالت عليه ذبحا وطعنا حتى لفظ أنفاسه، وعقب ذلك عندما شاهدته جثة هامدة خرجت تجرى فى الشارع، وتصرخ من هول المفاجأة، وألقى القبض عليها وتدعى "ن.ع" 21 سنة – ربة منزل.
تحرر محضر بالواقعة، وبعرضه على النيابة العامة، أمر أحمد المنوفى وكيل نيابة مركز شبين القناطر، بالتصريح بدفن جثة الزوج بعد تشريحها لبيان سبب الوفاة، وبحبس المتهمة أربعة أيام على ذمة التحقيق، ووجه لها تهمة القتل العمد، بإشراف المستشار أحمد عبد الله المحامى العام الأول لنيابات شمال القليوبية.
المتهمة بقتل زوجها في شبين القناطر
المجني عليه
عدد الردود 0
بواسطة:
eman
الضغط يولد الانفجار
مش عارفة ايه اللى جرى للرجال هذا العصر يعنى ايه موضوع العنف ضد المراة ليه كده هى دى وصية الرسول ( رفقا بالقوارير ) لا حول ولا قوة الا بالله ايه اللى استفادوا من ضربها هى دى شطارة يعنى و لا كده هو بأة راجل و الله يستاهل
عدد الردود 0
بواسطة:
ابن شديد
حقيقي
هذه هى الفوضى الخلاقة
عدد الردود 0
بواسطة:
عبده سلطان
القاهره
الله يكون بعونك لا حوله ولا قوة الا بالله العلي العظيم انا لو قاضى لاعطيكى براءه الظلم ظلمات فهذا لا يخاف الله
عدد الردود 0
بواسطة:
nadia
رقم 3 الحمدلله إنك مش قاضي كنت حطلع المجرمين كلهم براءة
مش مبرر عشان تقتله تطلب الطلاق و خلاص ربنا ماقلش لو الراجل يضرب مراته و لا يخونها تقتله مايمكن هي لتستفزه و تعصبه فعلاً رية و سكينة رجعوا
عدد الردود 0
بواسطة:
محمود من خارج الوطن
غبيه
بمنتهى البساطه راجل زئ ده انتئ اتغشيتئ فيه بدل من اللئ عملتيه وضعت نفسك وكمان الراجل كان ممكن تشتكيه او تتخلعئ منه وتطلقئ هو انسان غبئ وانتئ اغبا البلد فيها قانون
عدد الردود 0
بواسطة:
المصرى
والله المجتمع المصرى غلط فى غلط
اولا الجوازه دى من اولها مكنتش تنفع خالص حد يقولى هما يعنى بيشمو على ضهر ايديهم اقوله امال يعنى فترة الخطوبه عملوها ليه ماشى نعدى دى فى حاجه اسمها ان الانسان يتادب بمعنى اول مره ضربها فيها وعدت يبقى هاتنضرب تانى وتالت ورابع لحد ما يحصل اللى احنا شايفينه ده امال القانون عملوه ليه يبقى الخلع هو الحل الوحيد والمثالى لمثل هذه المواضيع لا للقتل ولا للعنف نعم للسلام نعم نعم نعم للقانون
عدد الردود 0
بواسطة:
احمد حامداحمد حامد
العند يورث الكفر
فيه رجاله لما بتفشل في انها تخلي ستاتها تسمع الكلام و تطيعهم بيألجأوا للضرب و دا بيخلي الأمور تتطور للأسوء و كل دا بسبب العند و عدم التفاهم بين الأزواج و اللي بيوصلهم للطلاق او للمحاكم و السجن
عدد الردود 0
بواسطة:
البنت الشقية
الي نادية
يعني اية لو ضربها عادي . لازام يحترم نفسة . هي لو سكتت مرة هسيوق علي طول . معظم الازواج هذة الايام مش كويسين و و متربين غلط . ان الزوجة دي حاجة اشترها من ابوها . بموجب العقد . و هات يا ضرب ة اهان و شتائم و حاجة قرف . هي اختصرت المشوار و خلصت بدري و استريحت . هي معة في سجن و تعذيب و في السجن العادي هو سجن من غير ضرب .
عدد الردود 0
بواسطة:
وائل محمد طة
يستاهل لانة لم يرحم فتاة ضعيفة
كان فاكر ان الرجولة بالضرب والاهانة.. بس هو كدة مش هايضربها تاني
عدد الردود 0
بواسطة:
الاسكندراني
صباح الفل
....صباح الفل ..قسما لو جربتم لتعيشوا زى الفل ..ده رب العزه قال الرجل لباس المرأه ...والمرأه لباس الرجل ..وأحنا بنعاند في نفسينا .انشاله درجه الحراره ميه تحت الصفر ..في ثواني حتوصلو درجة ...الغليان ...وفى الصيف لو درجة الحراره ..خمسين مئويه ...دورا على حتت بارده حتلاقو والله ....وماتخدوش الموضوع تهريج ...جربوا وحتدعوا لي ...بدل عكننه ..وهم ..وغم ..من الشغل والشارع ..واشارات المرور والسواقين الغشم ....جربوا ...جربوا