خد كل حاجة وخلينى بالحلم أنسجم
بأحلم بوزن الرغيف بالضمير يتزن
يدينى صحة يشفينى من آهات الألم
بأحلم بشربة ميه نقية من غير عفن
زى مية زير زمان شفا من كل السقم
وقلة قناوى ميتها للصحة أغلى وطن
بأحلم بريحة شوربة فرخة أحلى نغم
كنت أشم ريحة الفرخة من غير علن
بأحلم أميز ريحة الخضار مهما ازدحم
ريحتها وطعمها عزف بسعادة بيقترن
بأحلم أشم الهوا نقى من دخان الحمم
زى هوا الفجرية بنداه فى صفاء اللبن
يا ناس بلاش هرمون الطعم مات انعدم
بأحلم برجوع الشهامة من غير ضنن
ليه حطينا صفات الأدب فى بير اتردم
عبارات الذوق بقت تحت أقدام الهجن
بلاش نكون شماعة لانهيارنا فى ندم
بأحلم بعلاقات زى ورد من غير عطن
تعالوا نصحى الضمير إخلاص وهمم
يموت الفقر يزيد الخير ومنه نختزن
بأحلم لكل مغتاب ونمام توبة ويستقم
بأحلم لنا كلنا نجاة من أحزان وشجن
بأحلم بثباتنا بالإيمان وألا تذل لنا قدم
هفضل أحلم بنا لنا وأنت برىء يا زمن
بلاش تلومونى حلمى لبكره لا ينعدم
دا حلم كل عاقل بالخير لمصرنا فطن
عدد الردود 0
بواسطة:
مش مهم.
مش مهم.
بدل بحلم أنا أفضل مصطلح بياكل رز مع الملايكة. ما أجمل الرز و ما اعظم المترززين.