تعرف على رسالة محمد محمود عبد العزيز لوالده الفنان الراحل فى شهر رمضان

هنأ المنتج محمد محمود عبد العزيز، والده الفنان الراحل محمود عبد العزيز، بمناسبة حلول شهر رمضان الكريم.

وكتب عبر حسابه على إنستجرام: "كل سنة وحضرتك طيب وبخير يا أبويا وصاحبى وأخويا وكل ما ليا، أول مرة فى حياتى ماتكونش معايا وقدام عنيا طول المدة دى، بس برضه كل سنة وحضرتك طيب لأنى حاسس أنك بخير وفى مكان أحسن من اللى إحنا فيه بكتير".

وتابع نجل الفنان الراحل: "عايز أهدى لحضرتك كل حاجة بعملها، سواء إنتاج أو تمثيل أو أى حاجة كويسة ممكن أعملها وتبسطك، وأى خير بعمله أو بحاول إنى أعمله زى ما حضرتك علمتنى، السنادى بهدى حضرتك صيامى وكل ركعة وكل حرف هقرأه من المصحف الشريف اللى حضرتك ماكنتش بتسيبه، ربنا يتقبل منى ويقدرنى وأبقى ربعك فى أى حاجة".

واختتم عبد العزيز، كلامه مهنئا الأمة العربية والإسلامية بالشهر الفضيل، قائلا: "رمضان كريم، كل سنة وحضراتكم جميعا بألف صحة وسلامة وخير، ربنا يريح قلوبكم ويشفى كل مريض ويرجع كل بعيد ويصبر أى واحد موجوع ويهون علينا جميعا يا رب بحق الشهر الفضيل".

محمد محمود عبد العزيز