قالت ياسمين رحيم، صاحبة عربة برجر مصر الجديدة والنزهة وصاحبة الضجة على مواقع التواصل الاجتماعى بعد نشر فيديو لها وصديقتها والبلدية تتعامل معهما بشكل غير لائق قبل أيام، إن غادة والى وزيرة التضامن الاجتماعى، أجرت اتصالا هاتفيا بها لمعرفة ما واجهته من مشكلات، قائلة لها "سمعت إن عندك مشكلة.. إزاى أحلهالك؟".
وتضيف ياسمين، فى تصريحات خاصة لـ "اليوم السابع"، اليوم الثلاثاء، أن وزيرة التضامن الاجتماعى حددت لها ولصديقتها "شيماء"، موعدا مع المهندس عاطف عبد الحميد، محافظ القاهرة، من المقرر أن يكون غداً الأربعاء فى تمام الساعة العاشرة والنصف صباحاً بمقر المحافظة.
وأكدت فتاة عربة البرجر، أنها تعمل على مشروعها الخاص مع صديقتها للبرجر منذ ثلاثة أشهر، وتتعرض لمضايقات مستمرة من قبل البلدية ورغم محاولاتها الكثيرة للحصول على ترخيص، إلا أن المحافظة ورئيس الحى لم يساعداها فى ذلك إلى أن قامت بنشر الفيديو الذى تم تداوله على مواقع التواصل الاجتماعى والذى يوضح ما تتعرض له مع صديقتها من مضايقات لإصرارهما على العمل والنجاح.
عدد الردود 0
بواسطة:
عمرو الخولى
شعب متخلف
والله العظيم احنا شعب متخلف....خلاص كل بنت او كل ولد مش لاقى شغل يجيبوا أصحابهم ويعملوا عربية كبده او عربية فيشار ويجوا قدام الهيلتون أو فى أجدع ميدان فيكى يامصر أو فى ؟أى مكان يعجبهم ويقفوا..ولو البلدية ماشيتهم يبقى مايصحش ومفيش أكتر من الموبيلات اللى بتصور...احنا مسمعناش عن حاجة أسمها نظام وأصول قبل كده..علشان كده أحنا عمالين ننطلق بس لورا
عدد الردود 0
بواسطة:
Osama
عندك حق
انا شوفت هنا في السعوديه في أشهر شارع في الرياض شارع العليا العام شباب سعودين عاملين نماذج لعربيات بيع فشار وحاجات زي كده والبلدية سامحه ليهم طبعا بصراحه العربيات شكلها شيك اوي تحفه. .. ومتكلفه طبعا مع الفارق بس ده مش سبب علشان البلديه تضايقك. .. طيب لما يعملو معاكي كده ومع غيرك ... تعملو ايه ... تبقو ارهابين احسن
عدد الردود 0
بواسطة:
تامر كمال
انا عايز اعمل مشروع عربيه كبده ياوزيره التضامن
انا عايز اعمل مشروع عربيه كبده ومخ وجمبري مقلي وساكن في مكرم عبيد والعربيه موجوده ممكن تاخديلي ميعاد مع المحافظ علشان اقابله انا راجل صاحب اسره وبصرف على امي واربع عيال وامهم وعايز احط عربيتي عند حديقه الطفل ياريت زي ما ساعدني لبنات دي تساعدينا واحنا فاتحين بيوت حضرتك وانا الصبح مراتي تقف وانا في الشغل وارجع بليل هي تروح وانا اقف وعلى وعد كبده بلدي ميه في الميه وعيش بلدي ومفيش اي تلوث خالص
عدد الردود 0
بواسطة:
محمد
حل ل
ياترى الوزيرة والمحافظ بيشتغلو لم تحصل مشكلة عبر التليفزيون هناك اسفل كوبرى المريوطية بين الهرم وفيصل منطقة غير مستغلة يتم تجهيزها من المحافظة من على الجانبين ووضع كل الامكانيات المتاحة من كهرباء ومياة ومساعدة الشباب
عدد الردود 0
بواسطة:
برجر مشوي
بنات تستحق كل الاحترام والتقدير
يا ريت جدو عاطف عبد الحميد ينهي مشكلة هاتين البنتين ... فهمًا حصلا على وعد من وزير التنمية المحلية وتوصية من وزيرة التضامن الاجتماعي، لكن المشكلة الاساسية تكمن في دخان الفحم اللي مزعل ألحج ابو ضيف رييس حي النزهة ... لكن انا متاكد لو البنتين ارسلوا له واحد برجر مشوي على السيخ المحمي في صرصور ودنه، فان الموافقة على الترخيص ستصدر فورا ....
عدد الردود 0
بواسطة:
mohamed
الاساذ عمرو الخولى تعليق رفم 1
وفيها اية يااستاذ يعنى لو قعدوا على قهوة يشيشوا انتقدناهم ولو شافوا شغل محترم انتقدناهم عايزينهم يقعدوا جوة اوضة ونقفل عليهم ولا اية والدولة مبتتصرفش الا مع اى دوشة على مواقع التواصل يعنى الوزيرة الفاضلة المفروض متتصرفش الا مع كل حالة على انفراد كل يوم حيطلع موضوع زى دة المفروض يبقى فية اجراءات مرنة لشغل الشباب مش نتقد وبس
عدد الردود 0
بواسطة:
ahmed samir
تعليق على كلمة الاستاذ عمرو الخولى رقم 1
واضح ان الاستاذ عمرو الخولى صاحب التعليق رقم 1 .. معندوش اى مشاكل ومش حاسس بالناس اللى عايزة تشتغل .. بدل ما حضرتك تقول كلمتين ملهومش اى لازمة .. ممكن تقترح ان الدولة تقنن عمل الشباب اللى عايز يشتغل باى طريقة وباى نظام المهم انه يشتغل وينتج علشان يعرف يعيش .. ارجو من المسئولين فتح كافة التراخيص الموقوفة والمغلقة وسيبوا اللى عايز يشتغل يشتغل بالحلال وخدو ضرايب وسيبوا المنافسة فى السوق والرقابة عليكم والمستفيد الاول هو المواطن .. واعتقد ان دا توجه من الرئيس شخصيا .. ساعدوا رئيس الجمهمورية فى تحقيق افكاره يا مسئولين #الرحمة حلوه يا استاذ عمرو الخولى#
عدد الردود 0
بواسطة:
فرعون
الادارة
فشل الإدارة فى كل المجالات سبب الكوارث. يعني الاكشاك بقت فى الشوارع اكتر من المحلات و بصورة عشوائية و كلها بدون ترخيص و بتسرق كهربا و محدش بيقرب منهم و الكفيهات رجعت تانى و دخان الشيشة و ضجيج اغانى المهرجانات فى كل مكان . سياده الوزيره فى ردها فكرتنى بخدمة العمله فى شركات المحمول. رغم أنها من أنشط الوزراء ولكن يبدو أن مشكله الإدارة ستظل مأساة مصر.
عدد الردود 0
بواسطة:
mohamed
بهدلة
بهدلة وبعدين طبطبة احنا اللى بنصنع ارهابى