تباينت ردود الفعل حول تقنين محافظة القاهرة، أوضاع كل من يعمل "سايس سيارات" فى شوارعها مقابل إيجار شهرى يحصل لصالح الدولة، فالبعض رأى ذلك خطوة ايجابية وطالب بتفعيلها فى محافظة الجيزة، والبعض الآخر قال إن ذلك بمثابة تقنين لـ"البلطجة"- حسب تعبيرهم.
وفى البداية، يقول الدكتور صلاح فوزى، الخبير القانونى وعضو لجنة العشرة لإعداد الدستور، إن قانون اشغالات الطرق يسمح برخصة للسايس يحصل عليها من الإدارة المحلية للمحافظة ويدفع رسوم ويخضع للنظام الإدارى الذى تنظمه المحافظة، ويمكن ان يٌحصل مقابل نقدى يؤل للمحافظة حسب تنظيم المحافظة، لافتا أن ذلك كان موجود قديما وكان هناك رخصة باسم "حارس سيارت".
وأضاف "فوزى" فى تصريحات خاصة لـ"اليوم السابع"، أن المشكلة الآن تكمن فى أن الأرصفة أصبحت أماكن نفوذ متواجد فيها أشخاص يفرضون إتاوة على كل من يريد ترك سيارته بالشارع.
وأوضح أنه من الافضل أن يؤكل الموضوع لشركة خاصة لتنظيم الموضوع مثل ما هو معمول به فى دبى، بدلا من تشغيل أصحاب سوابق وتقنن أوضعهم وتصبح الأرصفة أماكن نفوذ لهم.
وأشار إلى أنه يكون من بنود التعاقد مع الشركة أن تتيح العمل للسايس المتواجد فى الرصيف بالفعل لمواجهة مشكلة البطالة، بحيث تصبح المسالة منظمة، موضحًا أنه من الأفضل أن تنشئ المحافظة شركة أو تكون مساهمة فى شركة تدير الموضوع، مضيفًا أنه يجب على المحافظة أن تترك شوارع معينة بدون مقابل.
وتابع قائلاً: "أغلب المتواجدين فى الشوارع للعمل سايس سيارات بلطجية والمواطنين يتضررون منهم".
من جانبه، قال اللواء مختار قنديل الخبير الأمنى، أن تعاقد المحافظة مع السايس وتأجير الأرصفة له وتقنين وضعه يعتبر حل وسط، بشرط وجود ايصال يحدد رسوم الانتظار، بالإضافة تسجيل بيانات السايس لحماية المواطن.
ووصف اللواء مختار قنديل ان مشكلة السايس كمشكلة التوكتوك فى الأحياء يحتاج إلى ترخيص، مشيرا إلى أن وجود شركات تستأجر الأرصفة دائما ما يفشل لكثره مشاكلها، فالأفضل هو التعاقد مباشرة مع سايس متواجد فى الرصيف.
ومن جانبه، قال اللواء ياسر لاوندى، مدير ساحات القاهرة، أن التأكد من الفيش والتشبيه هو دور الشرطة، وأنه فى حالة وجود أى شكوى من السايس المتواجد على المواطن أن يقدم شكوى بمقر المحافظة وسيتم التحقيق فيها فورًا.
وأضاف "لاوندى" فى تصريح لـ"اليوم السابع"، أن المحافظة قامت بتقنين أوضاع السايس لحماية المواطنين بحيث يكون لديها كل بيانات السايس وحال تعرض المواطن للسرقة أو لحق بسيارته ى أضرار يسأل السايس عن ذلك.
وأشار لاوندى إلى أن عدد كبير من الشباب حملة المؤهلات يحضرون إليه بسبب قلة فرص العمل فيوفر لهم أرصفة للإنتظار المؤقت ويتعاقد معهم.
عدد الردود 0
بواسطة:
طرازان
كلام بطيخ !!!!!
كلام غير صحيح و كلام بطيخ فى بطيخ ... و اللى بيقول الكلام ده الاستاذ قلقاس غير صحيح ... فى دولة الامارات العربية المتحدة وبما أن حضرتك ذكرت دبى ... يبقى الكلام ده كذب فى كذب .... فى دبى توجد هيئة اسمها هيئة الطرق و المواصلات و هى هيئة معنية بما يمس كل الطرق و المواصلات ... و لا يوجد شىء اسمة حارس سيارات ... و لكن توجد ماكينات لتحصيل رسوم الباركن ... حضرتك زى الباشا يادكتور تروح عند الماكينة و تقف زى الباشا برضوا و تضع النقود فى الماكينة و حضرتك زى الباشا تقدر الفترة الزمنية اللى انت محتاجها و تضع الفلوس يخرج لك ايصال زى بتاع السوبر ماركت ( بأسهال لك علشان الباشا افندى يفهم ) ... يتاخد الايصال و يوضع على تابلوه العربية ... بيمر مفتش واذا لم يجد الايصال أو أن السائق تجاوز الفترة الزمنية المحددة بالايصال يحرر مخالفة و يتم تحصيلها بمعرفة تلك الهيئة و لها اماكن بأدارات المرور ... وهذة الماكينات تعمل بالطاقة الشمسية و تتواجد على مسافات كبيرة ... غير الماكينات بتاعه محافظة القاهرة اللى ركبتها فى وسط البلد ... اما موضوع الايصالات و الكلام ده حتوجدوا مشاكل لا لزوم لها بالاضافة الى قلقست الموضوع بتقنين أوضاع البلطجية ... لان حد له مصلحة فيما تفكرون فية ... حد من الباشاوات يخطف رجلة لحد دبى و يشوف بيطبقوا ايه ياباز افندى
عدد الردود 0
بواسطة:
هبه
بلطه
ادفع فلوس فباركينج اه بس ادفع فلوس عشان ركنه فالشارع جنب الرصيف فديه بلطجه سواء كانت مقننه أم لا. معني كده اني لو وقفت ركنت العربيه ست سبع مرات فاليوم كل مره ادفع فيها لبلطجي. والله ده كتير
عدد الردود 0
بواسطة:
hanaa mahmoud
الحل فى الجراجات
برجاء استغلال اى ارض فضاء وعمل بارك ب ماكينات الكترونية واشتراك شهرى او سنوى لصالح المحافظة واظن يوجد اراضى كثيرة فضاء بوسط البلد مثل محمد محمود وشارع شريف وعابدين اكبر تكدس للسيارات ونترحم من البلطجية والشاحتين ارجوكم سرعة ايجاد اى حل حضارى
عدد الردود 0
بواسطة:
محمد
لازم يختفوا
دى بلطجة كل نروح فى حته ادفع علشان لركن جنب الرصيف بدل مايلزمهم ولا يشغلون فى أى مصنعو ينتجو يقننوا بلطجيه
عدد الردود 0
بواسطة:
المصري افندي
لم يجد من يحنوا عليه ...!!
الحكومه اتفقرت هتأجر الارصفه والشوارع للناس ...وبتقنن وضع البلطجيه ...بدل ما يبعدوا البلطجيه عن الناس والشوارع الحكومه بتعطيهم رخصه يبهدلوا الناس ويبلطجوا عليهم بالقانون والمحليات تشتغل والفساد يزيد والناس متلقاش طريق يمشوا فيه ... لنا الله ... ان الشعب لم يجد من يحنوا عليه
عدد الردود 0
بواسطة:
طرازان
تعليق علي تعليق
الي الأخ رقم 3 فكرتك ممتازة ... في دبي مثلا هناك اصحاب أراضي فضاء و لايملك صاحبها البناء حاليا ... يتقدم للحصول علي ان تكون الارض موقف برسوم ثم يضع حارس بكشك لتحصيل الرسوم طبقا للفتره الزمنيه اللي بيقفها السائق ... احنا بدل ما الأماكن الفاضيه عندنا مقالب للزباله يمكن جعلها باركن مؤقتا مقابل إعطاء المالك نسبه من الرسوم ... ويكون الوقوف بماكينات و ليس بفهلوه الايصالات ... نظام الاشتراكات ده موجود بالامارات و يمكن بالاشتراك الوقوف في اَي بركن
عدد الردود 0
بواسطة:
سيد هلال
وأين الداخلية والمرور
,اين الداخلية والمرور من هذه البلطجة وهم يعلموا جيدا مدى تأثيرها السلبى على المواطنين .
عدد الردود 0
بواسطة:
اللول حبيب الكل
قال آه .....
ايه الحكايه يعني الناس بتشتكي من بلطجة الشارع وان البلطجيه بيفرضوا اتاوه لكي يركن الناس سياراتهم !!!! قال آه .... تقوم الدوله بجلالة قدرها تقنن الموضوع وتخلي البلطجة في الشارع رسمي وادفع ياللي معاك سياره !!! قال آه .... لا والاكاده يتحاسبوا بالساعه يعني الليله علي ما فهمت تدخل في 50 او 60 جنيه او اكتر !!!! قال آه .... يعني الشارع اللي تحت بيتنا تجيب لنا الدولة بلطجي او ابن ناس يلم الغله من اصحاب السيارات .... هي الحكايه ايه يعني الناس تجيب منين وتودي عربياتهم فين .... الكلام ده ينفع في دبي او اي بلد غنية اما في مصر الناس حالها من حال الحكومه يعني الحال علي قده وماينفعش يا حكومه كل ايرادك تاخذيه مننا ياريت يا سعادة الوزراء تعملوا مشاريع تنتج وتصدر وتجيب دخل بدل جيوب الغلابه وياريت تاخدوا ضرايب من تصدير الاسماك اللي حرموها علينا تجار السمك واصحاب المزارع سواء من الافراد او الحكومة وكما قال احد النواب الله يسامحه انه لا داعي لدفع ضريبة علي تصدير السمك وتقتصر علي البلطي لانه اكل الغلابه وتستورد الدولة اسماك رخيصه من الخارج لياكلها الشعب !!!!! قال آه .... كفايه كلام كده احسن ....
عدد الردود 0
بواسطة:
Lolo
مم
ما بني على خطأ فهو خطأ يعني مثلا لما اكون انا حرامي وشاهدت حرامي آخر بيسرق اروح اقولة يا ننصص يا أبلغ عنك ،هذا ما تريد ان تفعله المحافظة مع البلطجية وفارضي الإتاوات على الشعب فأصبحت المحافظة تقوم بدور البلطجي الكبير الذي يحمي البلطجية الصغار وكله بالقانون يا معلم
عدد الردود 0
بواسطة:
اللول حبيب الكل
قال آه !!!!!!
ايه الحكايه يعني الناس بتشتكي من بلطجة الشارع وان البلطجيه بيفرضوا اتاوه لكي يركن الناس سياراتهم !!!! قال آه .... تقوم الدوله بجلالة قدرها تقنن الموضوع وتخلي البلطجة في الشارع رسمي وادفع ياللي معاك سياره !!! قال آه .... لا والاكاده يتحاسبوا بالساعه يعني الليله علي ما فهمت تدخل في 50 او 60 جنيه او اكتر !!!! قال آه .... يعني الشارع اللي تحت بيتنا تجيب لنا الدولة بلطجي او ابن ناس يلم الغله من اصحاب السيارات .... هي الحكايه ايه يعني الناس تجيب منين وتودي عربياتهم فين .... الكلام ده ينفع في دبي او اي بلد غنية اما في مصر الناس حالها من حال الحكومه يعني الحال علي قده وماينفعش يا حكومه كل ايرادك تاخذيه مننا ياريت يا سعادة الوزراء تعملوا مشاريع تنتج وتصدر وتجيب دخل بدل جيوب الغلابه وياريت تاخدوا ضرايب من تصدير الاسماك اللي حرموها علينا تجار السمك واصحاب المزارع سواء من الافراد او الحكومة وكما قال احد النواب الله يسامحه انه لا داعي لدفع ضريبة علي تصدير السمك وتقتصر علي البلطي لانه اكل الغلابه وتستورد الدولة اسماك رخيصه من الخارج لياكلها الشعب !!!!! قال آه .... كفايه كلام كده احسن .... انشر يا سابع