رئيس حى النزهة بعد إزالة عربة "فتاة البرجر": تلوث البيئة بالدخان والفحم

الأحد، 23 أبريل 2017 09:16 م
رئيس حى النزهة بعد إزالة عربة "فتاة البرجر": تلوث البيئة بالدخان والفحم برنامج "90 دقيقة"
كتب محسن البديوى

مشاركة

اضف تعليقاً واقرأ تعليقات القراء

علق خالد أبو ضيف رئيس حى النزهة فى مصر الجديدة، على واقعة إزالة "البلدية" لعربة "سندوتشات برجر" من أحد شوارع الشيراتون، قائلا: إنهم يلوثون البيئة بدخان الفحم.

وأشاد أبو ضيف فى مداخلة هاتفية ببرنامج "90 دقيقة" الذى يقدمه الإعلامى معتز الدمرداش، عبر فضائية "المحور"، بشرطة المرافق، مؤكدا أنهم يقومون بدورهم فى الحفاظ على النظام فى الشارع، مضيفا: "ندرس الأمر لوضع ضوابط لتقليل مثل هذه الأمور المتعلقة باستخراج التراخيص".

فيما أبدت ياسمين رحيم صاحبة عربة بيع "ساندوتشات البرجر" التى تم إزالتها من منطقة الشيراتون، استياءها من قيام "البلدية" بالتحفظ على العربة، مشيرة إلى أنها تعمل على استخراج التراخيص.

وقالت "ياسمين" فى مداخلة هاتفية بالبرنامج، إن "العربة غير ملوثة، وماحدش بيعمل تراخيص ولا حاجة وحاولت لقاء المحافظ أو نائبه للحصول على تراخيص بس بيقولوا لى مش موجود وشعرت أننى فى حارة سد فقررت عمل المشروع فى الشارع لإيجاد فرصة عمل جيدة ونظيفة وبها كل معايير السلامة".










مشاركة

التعليقات 10

عدد الردود 0

بواسطة:

عز الدين

خير أن شاء الله

وأخبار الكافيهات ايه يابتاع تلوث البيئة

عدد الردود 0

بواسطة:

مصريه

هههههههههه

حوش البيئه نظافتها يا عم سيب البنات يسترزقوا بدل مايتمرمطوا ولا عاوزين تشربوا شاى بالياسمين

عدد الردود 0

بواسطة:

ميشو

تحيا مصر

يا سيادة رئيس الحي حضرتك وانت ماشي في الشارع لو قيصت هتسمم الجو و تلوثه مش الفحم .. فكر خارج الصندوق

عدد الردود 0

بواسطة:

مشمش

تعالى يا ريس الحى ميدان الالف مسكن التابع لقسم النزهه وشاهد عربات الكبده والكفته والكهرباء المسروقه

..ربنا كبير يا بنات عربه الهام بورجر..ربنا يعوضكم

عدد الردود 0

بواسطة:

احمد شلبى

رد سخيف

بالله عليك وضميرك الحى يا اخى, بقى شوية الفحم دول والدخان بتعهم هم الذين يلوثون البيئهههههههههههه, اغلق المقاهى ومطاعم الكباب والكفته واقضى على حرائق الزبالة, مسئولين معدومين الضمير, نقول للبنات رحوا اشتغلوا راقصين احسن

عدد الردود 0

بواسطة:

كامل

عيب عليك

لما تتكلم عن تلوث البيئة فأما انت حافظ مش فاهم او انك مش لاقى رد عقلانى فتتكلم باي كلام عيب عليكم يا محليات اتقوا الله اكيد و لو لدقائق فكرتك فى ما تكتبون هل هو حلال ام حرام كام عربية فول هناك كام سيارة تخرج عادم هناك كام فرنسي شغال هناك لو نتكلم على البيئة اتكلم على الزبالة اتكلم على المبانى المختلفة اتكلم على المحلات الخارجة عن التنظيم كلكم عيوب و لا فائدة. حسبنا الله ونعم الوكيل

عدد الردود 0

بواسطة:

carlos alberto

اضحكتنى يافتى ولو ان مليش نفس

يعنى مقدرتوش على اصحاب الابراج المخالفه والتى وصل حد ارتفاعها الى 40 طابق والغير مرخصه ولا على كاقتريات عرض المباريات بأسعار جشعه وبدون تراخيص ايضا وهم ملئ التلوث السمعى والبصرى والتى لم نكن لنعرف عنها لولا قتل الشاب المسكين الذى لقى حتفه على يد احد اباطرها..فقلتم تفرجونا على عضلاتكم على فتاتين كل جريمتهم انهم فكروا فى مشروع صغير لأكل العيش الحلال.لأ..ومتعللين بالدخان والفحم اللى نسبته واحد على عشره من تلوث شيش المقاهى..اضحكتنى يافتى

عدد الردود 0

بواسطة:

حسن امام

حسبنا الله ونعم الوكيل

لما العريبة بتلوث البيئه امال القهاوي البلدي اللي تحت كل عمارة في مساكن صقر قريش واللي فاتحه 24 ساعة/سبع ايام .طالع منها كل انواع المنكرات والفحم والحشيش والدخان والسب والقذف والخناقات و..... وكلهم فاتحين بدون ترخيص ولا اي حاجة .الملاك اللي ساكنين فوق القهاوي منهم اللي طفش واللي هرب واللي مات مخنوق من الدخان. والحي ودن من طين وودن من عجين. احنا نعمل اي.

عدد الردود 0

بواسطة:

المصرى افندى

رد ساذج

هذا مثال للموظف العام الغير مسئول. الذى يستدرجه الموظف الصغير الى مغرز

عدد الردود 0

بواسطة:

محمد ضياء

؟

اتفق مع ازالة اي نشاط تجاري غير مرخص ولكن تلوث البيئة من الفحم دى غير مقنعة، عدد المقاهي فى منطقة شيراتون بمعدل مقهى لكل مواطن.

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة