كشفت مصادر مطلعة لـ"اليوم السابع"، أن عقد قران طارق عامر، محافظ البنك المركزى المصرى، على داليا خورشيد، وزيرة الاستثمار السابقة، تم مساء الأربعاء الماضى بفيلا "داليا خورشيد" بمنتجع فيلات "القطامية هايتس" شرق القاهرة، بحضور عدد محدود جدًا من أقارب الأسرتين.
وأكدت المصادر أن طارق عامر، محافظ البنك المركزى المصرى، وداليا خورشيد، وزيرة الاستثمار السابقة، سافرا إلى مدينة فرانكفورت الألمانية ظهر أمس الثلاثاء فى رحلة قصيرة لقضاء شهر العسل، لافتة إلى أن عقد القران كان محاطًا بكثير من السرية.
وأضافت المصادر، أن محافظ البنك المركزى المصرى، آثر عقد قرانه على وزيرة الاستثمار السابقة، بعد خروجها من المنصب الوزارى، مؤخرًا، حيث كانت هناك بعض التحفظات على إعلان الزواج رسميًا خلال فترة توليها المنصب الوزارى، مؤكدة أن تلك الزيجة تعد الثالثة لطارق عامر.
ولفتت المصادر إلى أن تلك الزيجة اكتسبت أهميتها الإعلامية من أن محافظ البنك المركزى، يعد أرفع المناصب الاقتصادية فى البلاد، ووزيرة الاستثمار السابقة خرجت فى التعديل الوزارى الأخير وتم عقد القران عقب فترة قصيرة من خروجها من حكومة المهندس شريف إسماعيل، مؤكدة أن الزواج فى الأوساط السياسية يكتسب الكثير من الاهتمام، ولا توجد قيود فى عقد القران خلال تولى المسؤول مهام المنصب السياسى.
كان "اليوم السابع" قد نشر أمس صورة عقد قران طارق عامر محافظ البنك المركزى المصرى، على وزيرة الاستثمار السابقة داليا خورشيد.
عدد الردود 0
بواسطة:
نبوي - مصر
الف الف مبروك للعروسين
الف مبروك يا طارق بيه وربنا يديم عليكم الحب انت انسان نبيل وتستحق كل خير
عدد الردود 0
بواسطة:
يارب ملناش غيرك
مش هو ده اللي طلع قرار التعويم
هو بيتجوز واحنا بندفع التمن بس انا عايز اقولك انه احنا مش زيك عندنا فيلا في منتجع فيلات القطامية هايتس وبنسافر فرانكفورت احنا ناس غلابه اوي والقرار اللي انت عملته زود علينا الضغط المادي واصبحنا مبناكلش الا قرنبيط ومكرونه ولا بنفكر نتجوز اصلا لاننا مش عارفين ناكل عشان تبقى فاهم بس القرار اللي انت عملته ولا حول ولا قوة الا بالله العلي العظيم
عدد الردود 0
بواسطة:
عباس
الدولار ب17 ونص
الدولار ب17 ونص وعلى شهر رمضان متوقع هيعدي العشرين وانت عملت قرار غلطت ورحت تتجوز وعطلت ملاين الشباب انهم يتجوزوا بسبب القرار اللي انت عملته ده
عدد الردود 0
بواسطة:
محمد محمد
شهر العسل بالدولار المصرى
فايق ورايق رايح يتجوز ويقضى شهر عسل فاوروبا وسايب الدولار بيقضى شهر عسل مع الجنيه المصرى طيب كنت استقيل انت كمان وهيص براحتك بعد ماخربتها مش انت تهيص والبلد تليص بس العيب مش عليك والله العيب على اللى حطك فالمنصب ده
عدد الردود 0
بواسطة:
hamed moustafa
الحمد لله
الحمد لله ربنا سترها معانا كده ضمنا ان الدولار هيرتفع تانى على الاقل اثناء شهر العسل عشان كده اعطوه 3 شهور عسل و ياخد راحته فى المانيا هههههههههههههههههه
عدد الردود 0
بواسطة:
Shah
لا عجب
من عبد الحكيم عامر لابن أخيه طارق باقلبي لا تحزن .. عبد الحكيم مسيطر على نساء السينما والغناء وطارق على نساء السياسه والاقتصاد ..بجد رجاله بحق واللي موش عاجبه يشرب من البحر ... حسبنا الله ونعم الوكيل ....
عدد الردود 0
بواسطة:
واعظ العيد
هجوم عنيف من المصريين
الله يكون في عونك الناس مش هتسيبك في حالك اعتقد لازم يشترط الرئيس السيسي على اي وزير ياتي للحكومة الا يتزوج ومن الافضل ان يكون عقيم علشان يتفرغ بشكل كامل لوزارتة
عدد الردود 0
بواسطة:
Doctor
تمام اوى
اهل الثقه مش احسن كان يقضوا شهر العسل في مصر عشان نخفف الضغط على الدولار
عدد الردود 0
بواسطة:
حسن
طالع
والله ياواد وعرفت تنقي . طالع لعمك يا نمس!
عدد الردود 0
بواسطة:
ابراهيم ذكى
الف مبروك
ربنا يفرحكو ويهنيكو وياريت التعليقات العبيطة تتوقف ولايعلق الا مايفهم ف السياسات النقدية فقط لانها مسؤليتة