استنكرت الفنانة سما المصرى تصريحات النائب إلهامى عجينة، التى طالب فيها بمنع برنامجها الذى تعتزم تقديمه بإحدى القنوات الفضائية فى رمضان المقبل، ووجهت له رسالة قالت فيها، "أنا مش عايزة أسمع صوتك يا بتاع تصريح العذرية والانبطاح، وقبل ما تطالب إنى احتشم لازم أنت كمان تحتشم فى كلامك اللى كله إيحاءات جنسية".
وأضافت سما المصرى، فى تصريح لــ"اليوم السابع"، إن النائب إلهامى عجينة دائماً يصدر تصريحات تخص الجنس، كما طالب من قبل بتوقيع كشف عذرية على بنات مصر، وهو أمر غير مقبول بالمرة، قائلة، "إزاى نائب فى 2017 يتكلم عن كشف العذرية، وإزى يتكلم عن إن المجلس اللى جه بانتخابات حرة منبطح، ومينفعش يقول إن رجالة مصر مبيشتغلوش غير بالفياجرا".
وكان النائب إلهامى عجينة طالب بمنع سما المصرى من تقديم برنامج دينى خلال شهر رمضان المقبل، بعدما أعلنت على صفحتها على "فيس بوك" عن تقديم برنامج بعنوان "عقوق الوالدين".
وأكدت سما المصرى أنه لولا أن هناك قضية لا تزال فى مجلس الدولة، ومن الممكن أن تعود من خلالها وتصبح عضوا بمجلس النواب حالياً، لكانت زميلة لـ"عـجينة" داخل البرلمان، على حد تعبيرها، مضيفة، "وممكن لما أرجع مجلس النواب أقعد جمبك وهوريك الاحتشام يبقى إزاى، وإزاى تحتشم فى كلامك مع الشعب المصرى لما نبقى أبو زمل".
كما وجهت سما المصرى رسالة للنائب إلهامى عجينة قائلة، "ده آخر واحد يتكلم عن الاحتشام، لأنه متحول للجنة القيم فى البرلمان بسبب تصريحاته اللى كلها إيحاءات جنسية، وممكن الصبح نلاقيه بره المجلس بسببها".
عدد الردود 0
بواسطة:
ميشو
تحيا مصر
عجينه كتلة الغباء نائب الكشف عن العذرية و الختان و الرجاله مبتعرفش .. أحب اقولك أن سما المصري أرجل منك يا خروف. . أين قانون الاثتسمار و قانون الخدمة المدنية و قانون الأحوال الشخصية للمسيحيين و قانون دور العبادة الموحد و قانون لحماية الأطفال من المتحرشين الخ الخ الخ إذهب الى الجحيم انت مجلسك المفضوح مجلس الخناقات و السفالات و الهمجية و تصفية الحسابات
عدد الردود 0
بواسطة:
عمدة المقطم
عجينة اتعجن ياجدعان
ايوه كده ، اللى اختشوا ماتوا ، رد بقى ياعم عجينه ، والله باين اننا حنتفرج على شوية برامج توك شو آخر مسخرة بين الاتنين دول ، اهيه حاجة تنسينا الغلب شوية
عدد الردود 0
بواسطة:
سيد هلال
عجينة مسمومة
أنا مندهش من عجينة بيته من زجاج وبيرمى على الناس طوب يا عجينة إختشى وما تهزأءش نفسك أكتر من كده
عدد الردود 0
بواسطة:
مهند
لا حول الله
يا جماعة احنا مشغوليين ببلدنا ازاي تنهض وتقف على رجليها تعليم صحه صناعه بحث علمي ده اهم من هواة الشهره والبروباجندا أمثال سما وعجينه ومرتضى
عدد الردود 0
بواسطة:
youssef
ادى اخره اللي يتكلم على رقاصه
ياراجل عيب عليك....اهى بهدلتك من اولها اهو....دى اخره اللي يتكلم على رقاصه ماهى ماعندهاش اللى تخاف منه.....اهل زمان قالوا : لا تصاحب السفيه و لا تخلى السفيه يصاحبك ...وانت فاهم الباقى يابو العجين
عدد الردود 0
بواسطة:
مصرى عربى اصيل
مصرررررررررررررررررررررررررررر
يا سلام يا ولاد الست سما المصرى تعيد كتابه التاريخ مره اخرى تعيد كتابه تاريخ التصوف والاجتهاد فى الدين تجدها كانها اربع فصول فى ساعه واحده ايه يا ولاد رابعه العدويه تخرج من قبرها وتقدم برنامج تلفزيونى ودينى كمان فى سماحه اكثر من ذلك ومن خير من الست سما يعطينا دروس ويشرح لنا نار جهنم وعذابات الاخره واكيد الجديد فى البرنامج سيتم تقديمه فى ملهى ليلى او على الاقل فى دوار شارع الهرم او اول شارع محمد على لكى نحيى التراث كلنا سما المصرى وسما المصرى نحن منكى واليكى يا سما ومن غيرك يرطب الاجواء وفى انتظارك فى مجلس النواب القادم سما المصرى تعيد كتابه تاريخ المنطقه والشرق الاوسط الكبير وجنوب شرق اسيا والباسفيك انتظرونا فى رمضان القادم
عدد الردود 0
بواسطة:
عبد العليم النبراوى
رقم 1 و 2 و 3 ردود فى منتهى الذكاء
عجينة اسم على مسمى . بيعجن . سما المصرى برقبة 1000 من أمثالك .
عدد الردود 0
بواسطة:
سوما نصر
هتفرج علي البرنامج غصب عنك بقي كفاية دمها اللي زي الشربات
أنا ضد كل حاجة بتقدمها سما المصري بس أنت اّخر واحد يتكلم عنها مش هتعمل فيها شيخ و بعدين هتكون مذيعة مش هي اللي هتتكلم في الدين و البرنامج اجتماعي ديني و أسمه عقوق الوالدين نبطل هجوم لمجرد الهجوم و هي محترمة أكتر منك لأنها عارفة نفسها و مش بتعيش الدور زي ناس ممكن ربنا يهديها عقبالك
عدد الردود 0
بواسطة:
جمال جابر
?? هاتيهم ياسما
مش قضيه ان سما المصري تقدم برنامج ديني ، ربنا يقويها ويهديها ، لكن مين من الشيوخ الي هيتجرء ويروح وقتها احنا الكسبانين هنعرف مين هما شيوخ السبوبه الشيخ الي يروح لسما ميبقاش شيخ ، احنا الي من حقنا نسميه الاسم الي احنا عايزينه ??
عدد الردود 0
بواسطة:
احمد
اتهدى ربنا يهدك يا بعيده
فوق